2022-02-10 16:27
Информагентства
Արմեն ԱՇՈՏՅԱՆ․ ՀԱՅԱՍՏԱՆԻ ԲՐԵՆԴԸ ԱՇԽԱՐՀՈՒՄ ՆՎԱՍՏԱՑՈՒՄՆ Է, ԱՆԱՐԳԱՆՔՆ Է, ԱՐԺԱՆԱՊԱՏՎՈՒԹՅՈՒՆԻՑ ԶՐԿՈՒՄՆ Է
Ըստ ՀՀԿ փոխնախագահ Արմեն Աշոտյանի՝ որևէ մեկն այդքան վնաս չի տվել Հայաստանում համամարդկային ու եվրոպական արժեքներին, որքան Հաայստանում ԵՄ դեսպան Անդրեա Վիկտորինը։
«ԵՄ-ն վերջերս շատ վատ քաղաքականություն է իրականացնում Հայաստանում, այստեղ դեսպան է նշանակում մարդկանց, ում հետո թոշակի է ուղարկում. ոչ նախորդ դեսպանն էր մի բան, ոչ էս մի դեսպանն է մի բան», - հայտարարեց նա։
Աշոտյանը ԵՄ գործընկերներին կոչ արեց դադարել Հայաստանում «սպիսատ անել» դիվանագիտական անորակ կադրերին, դադարել Հայաստանում գործի նշանակել մարդկանց, որոնք, փոխանակ ներկայացնեն եվրոպական արժեքները, փոխանակ նպաստեն Հայաստանի ժողովրդավարությանը, քայքայում են այդ ամենը, դառնում գործող վարչակազմի սպասարկուները։
«Տիկին դեսպան, դուք անհայրենիք սրիկաների բերանը լեզու եք դնում, որ նրանցից մեկը ԱԺ ամբիոնից հանդգնում է հայտարարել, որ Հայաստանի բրենդը ժողովրդավարությունն է։ Չէ, սիրելի հայրենակիցներ, ցավով ու կսկիծով ասեմ՝ 2021 թվականի հունիսից հետո Հայաստանի բրենդը աշխարհում նվաստացումն է, անարգանքն է, արժանապատվությունից զրկումն է ու տիկին դեսպանը մեր երկրում սպասարկում է բացառապես կապիտուլյանտ իշխանությունների շահերը», - հայտարարեց ՀՀԿ փոխնախագահը։
Արմեն Աշոտյանը նշեց՝ դեսպանը թաքցնում է, որ Նիկոլ Փաշինյանի իշխանության օրոք Հայաստանը կյանքի չի կոչում բոլոր այն բարեփոխումները, որ հանձնառություն էր առել դեռևս Սերժ Սարգսյանի օրոք՝ 2017 թվականի նոյեմբերի 24-ից։
«Տիկին դեսպան, դուք չեք փոխվելու, դուք Հայաստանում անելիք չունեք, այս հավաքը եվրոպական արժեքների դեմ չէ, այս հավաքը եվրոպական արժեքները ձեզանից պաշտպանելու համար է, որովհետև ես գիտեմ ձեր նախորդ գործունեության մասին, եղել եք Բելառուսում դեսպան, չար լեզուներն ասում են, որ Լուկաշենկոյի հետ էլ եք լեզու գտել», - ասաց Աշոտյանը։
«Go home». ԵՄ դեսպանին կոչ արեց ՀՀԿ փոխնախագահը։
Հիշեցնենք՝ իրավապաշտպան Ռուբեն Մելիքյանը հավաք էր հրավիրել Հայաստանում Եվրոպական Միության պատվիրակության շենքի առջև. հավաքի պատճառը դատական համակարգում տեղի ունեցող իրադարձություններն են։
ПОСЛЕДНИЕ ОТ АВТОРА
-
New2025-06-14 10:35Непрекращающееся поступление новостей об антироссийских действиях Азербайджана (2025 год уже считают годом существенного охлаждения в российско-азербайджанских отношений) заставляет обратить более пристальное внимание на принятую в этом государстве идеологию шахидизма и её русофобские корни.
-
New2025-06-14 10:29Журналист-международник Аббас ДЖУМА прокомментировал ИАЦ VERELQ удар Израиля по Ирану и возможные действия Тегерана.
-
New2025-06-14 09:47Возможность распространения ирано-израильского кризиса на регион Южного Кавказа не исключена, однако Тегеран не допустит какого-либо изменения границ или геополитических трансформаций. Такое мнение в беседе со Sputnik Армения выразил иранский эксперт-международник по проблемам Южного Кавказа, преподаватель тегеранского университета ATU Эхсан Мовахедиан.
-
New2025-06-14 09:4588 граждан России, включая известных деятелей культуры, будут эвакуированы из Ирана в ночь на субботу через сухопутную границу с Азербайджаном. Об этом сообщили в оперативных службах.