Գարուն և Զազը համերգներով հանդես կգան Երևանում
«Երևանյան հեռանկարներ» միջազգային երաժշտական և «Հայա» փառատոնների շրջանակում Հայաստանը կհյուրընկալի այնպիսի մեծանուն արտիստների, ինչպիսիք են Գարուն, Զազը դաշնակահարներ Դենիս Մացուևը, Եֆիմ Բրոնֆմանը և այլք:
«Արմենպրես»-ի հաղորդմամբ՝ այս մասին փետրվարի 11-ին լրագրողների հետ հանդիպմանն ասաց «Երևանյան հեռանկարներ» միջազգային երաժշտական փառատոնի տնօրեն, «Սոնատի» ընկերության համահիմնադիր Սոնա Հովհաննիսյանը:
Նա ընդգծեց, որ «Երևանյան հեռանկարներ»-ի շրջանակում 2022-ի մայիսին Երևանում տեղի կունենա Եվրոպայի փառատոնային ասոցիացիայի 70-րդ գագաթնաժողովը: Հովհաննիսյանն ասաց, որ փառատոնն ասոցիացիայի անդամ է:
«Փառատոններ են նախաձեռնել Երկրորդ համաշխարհային պատերազմից հետո՝ պատերազմող երկրներին հաշտեցնելու նպատակով, և մենք 2013 թվականից աշխատում ենք փառատոնային գագաթնաժողովներից մեկը Հայաստան բերելու համար»,-նշեց նա և տեղեկացրեց, որ գագաթնաժողովին Եվրոպայից 25 քաղաքապետ կժամանի Երևան, 100 փառատոնի ղեկավար: Համերգներով կներկայանան աշխարհահռչակ դասական երաժիշտներ դաշնակահար Դենիս Մացուևը, «Գրեմմի»-ի դափնեկիր դաշնակահար Եֆիմ Բրոնֆմանը և այլք:
Նրա խոսքով՝ ապրիլին Ֆրանկոֆոնիայի շրջանակում Մարզահամերգային համալիրում հանդես կգա ֆրանսիացի երգիչ Գարուն:
Սոնա Հովհաննիսյանը հայտնեց, որ «Սոնատի» ընկերության ջանքերով կյանքի են կոչելու «Հայա» ճամբարայի ձևաչափի փառատոնը, որի առաջին համերգը տեղի կունենա հունիսի 30-ին բացօթյա հարթակում: «Այն անցկացվելու է Արագածոտնի մարզում: Ժամանելու են փոփ, ջազ, ռոք և այլ ժանրերում ստեղծագործող արտիստներ: Հուլիսի 1-ին կլինի «Լեդ Զեփելին» սիմֆոնիկ ծրագիրը, որի նպատակը խմբի երգերը մշտապես հնչեցնելն է, հաջորդ օրը ելույթ կունենա ֆրանսիացի հայտնի երգչուհի Զազը: Ակնկալում ենք հյուրընկալել մինչև 100 հազար մարդու»,-շեշտեց նա:
Փառատոնի նախաձեռնողների համար կարևոր է այն կազմակերպել մի վայրում, որտեղից լավ կերևա Արարատ լեռը: Հովհաննիսյանի խոսքով՝ աշխարհում նման փառատոններ շատ կան, սակայն մեր երկրում այն կազմակերպելու համար պետք են լուրջ կապեր, հեղինակություն: «Բանակցություններ ենք վարում, որպեսզի 2023-ին հյուրընկալենք Սթիվի Ուանդերին, Սթինգին: Ուզում ենք Հայաստանը վերածել տարածաշրջանային մեծ «hub»-ի, որը զբոսաշրջության զարգացման նոր էջ կբացի ու կնպաստի տնտեսության զարգացմանը»,-եզրափակեց Սոնա Հովհաննիսյանը:
ПОСЛЕДНИЕ ОТ АВТОРА
-
New2022-10-04 10:578Новое видео об азербайджанских военных преступлениях, показывающее казнь армянских военнопленных, является еще одним важным основанием для международных уголовных дел и санкций против Азербайджана, заявил госминистр Арцаха Артак Бегларян.
-
New2022-10-04 10:5613НАТО поддерживает нормализацию отношений между Арменией и Азербайджаном. Об этом заявил в своем Twitter спецпредставитель генерального секретаря НАТО на Кавказе и в Центральной Азии Хавьер Коломина после встречи с Секретарем Совбеза Армении Арменом Григоряном в Брюсселе.
-
New2022-10-04 10:4643Президент Турции Реджеп Тайип Эрдоган обсудит с премьер-министром Армении Николом Пашиняном нормализацию армяно-турецких отношений. Об этом сообщает газета Sabbah со ссылкой на свои источники.
-
New2022-10-04 10:27145Те требования, которые Азербайджан предъявляет Армении, не новость, другое дело, что власти РА в послевоенный период – с 2020 года по разным причинам пытаются представить все это в рамках «эпохи мира».
