Последние новости

Վրաստանում ողջ գիշեր 7 ցնցում է գրանցվել

6,2 մագնիտուդով երկրաշարժից հետո Վրաստանում 3,1 մագնիտուդով ևս 6 ցնցում է գրանցվել։ Այս մասին վկայում են երկրի սեյսմոլոգիական ազգային կենտրոնի տվյալները։

Թբիլիսիի բնակիչները երկրաշարժը զգացել են կիրակի տեղական ժամանակով 22:25-ին։ Սեյսմոլոգիական ազգային կենտրոնի տվյալներով՝ 6,2 մագնիտուդով երկրաշարժ է տեղի ունեցել Ջավախքի շրջանի Դմանիսի քաղաքի մոտ՝ Թբիլիսիից 58 կիլոմետր հեռավորության վրա։

Սեյսմոլոգների տվյալներով՝ հաջորդ ցնցումը տեղի է ունեցել ժամը 22:28-ին նույն վայրում՝ 4,5 մագնիտուդով։ Երկրաշարժի էպիկենտրոնը գտնվել է 11 կիլոմետր խորության վրա։

Այնուհետև ցնցումների ուժգնությունը սկսել է նվազել 00:14-ին՝ հասնելով 3,1 մագնիտուդի, իսկ վերջին երկրաշարժը գրանցվել է տեղական ժամանակով 03:35-ին՝ 3,5 մագնիտուդով։

Առաջին երկրաշարժը զգացվել է հարևան երկրներում՝ Հայաստանում, որտեղ ուժգնությունը կազմել է 5 բալ, և Ադրբեջանում՝ 3,5 բալ, տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ