Տեղահանված արցախցիները բողոքի ակցիա են իրականացնում
Արցախից տեղահանված բնակիչները այսօր բողոքի ակցիան են իրականացնում Երևանի Հանրապետության հրապարակում և արտաքին գործերի նախարարության մոտ։ Նրանք պահանջում են իրենց վերջապես փախստականի կարգավիճակ տալ, քանի որ այլևս այլ ելք չեն տեսնում։
Արցախցիները բողոքում են ՀՀ կառավարության օրեր առաջ կայացրած որոշման դեմ, որով նախատեսվում էր 44-օրյա պատերազմի հետևանքով Արցախի առանձին շրջաններից տեղահանված ընտանիքներին Հայաստանից պետական աջակցություն տալ հիփոթեքով անշարժ գույք ձեռք բերելու կամ մասնավոր բնակելի շենք կառուցելու համար։
Ցուցարարների խոսքով` դա ապսուրդային որոշում է, այն դեպքում, երբ իրենք այստեղ աշխատանք չունեն, չեն կարող անգամ տոկոսադրույքը մարել։
«Մեզ ասում են 12 տոկոսով վարկ ենք տալիս, ես վարկ չեմ ուզում, իմ տունն եմ ուզում։ 80. 000 դրամով ես նույնիսկ կոմունալ վճարները չեմ կարողանում մուծել, վարկով տունն ո՞ւմ է պետք։ Մեր տուն–տեղ թողել, եկել ենք, որ այստեղ 12 տոկոսով վա՞րկ վերցնենք, տուն առնե՞նք»,–ասում է ցուցարարներից մեկը։
Մյուսի խոսքով էլ, անորոշ է` թե որ շրջաններից տեղահանվածների վրա է նախագիծը տարածվելու։
«Մենք միանշանակ չենք կարող օգտվել ծրագրից այն դեպքում, երբ հարմար աշխատանք չկա, տոկոսադրույքը փակելու հնարավորություն չկա, մայր գումարի մասին էլ չեմ ասում»,–նշում է ցուցարարը։
Մյուս արցախցին էլ ցավով նշում է, որ ՀՀ կառավարությունը տեղահանվածների միջև տարբերություն է դնում, ու անգամ, երբ միջազգային կառույցներն են օգնություն տրամադրում, բոլորին չի հասնում։
«Տանիքի հարց չլուծվեց, հասկացանք, բայց երբեմն անհիմն պատճառներով արցախցիների մի մասին օգնություն չի հասնում, դա չենք հասկանում։ Օրեր առաջ Կարմիր խաչի հայկական գրասենյակն օգնություն էր տրամադրել Արցախի փախստականներին, սակայն պարզվեց, որ շահառուների 90 տոկոսն են ստացել, իսկ 10 տոկոսը մնացել են ստվերում։ Հարց է ծագում, ով է մեղավոր, ում կողմից է ցուցակ ներկայացվել, պարզվում է Կարմիր խաչին ցուցակը ներկայացրել է ՀՀ կառավարությանը։ Իսկ ինչո՞ւ բոլորին չի ներկայացրել, փախստականների միջև տարբերություն են դնում։ Կա՛մ պետք է առհասարակ չտրամադրեն ոչ մի օգնություն, կա՛մ պետք է բոլորին տրամադրեն»,–ասաց ակցիայի մասնակիցներից մեկը։
Ցուցարարներից մի քանիսն էլ պահանջում էին նաև Արցախի տարածքային կառավարման և ենթակառուցվածքների նախարար Հայկ Խանումյանի հրաժարականը` նշելով, որ լավ չի աշխատում։
Հիշեցնենք, որ փետրվարի 17-ին Հայաստանի կառավարությունը հաստատել է2020 թվականին Արցախի դեմ Ադրբեջան իագրեսիայի հետևանքով իրենց տները կորցրած արցախցիների աջակցության ծրագիրը։Շահառու կարող են լինել այն արցախցիները, որոնք 2020 թվականի սեպտեմբերի 27-ի դրությամբ Արցախում բնակվել են առնվազն երեք ամիս։Աջակցություն կտրամադրվ իԵրևանում, Հայաստանի մարզերում և Արցախում բնակարանների և տներ իձեռքբերման (կամառանձնատներիկառուցման) համար հիփոթեքային վարկերի մարման համար։
Ծրագրից Երևանում և ՀՀմարզերում կարող են օգտվել միայն նրանք, որոնք ՀՀ–ից են տեղափոխվել Արցախ ապրելու և այնտեղ գրանցում են ունեցել։ Երևանում տների ձեռքբերման համար կհատկացվի մինչև 8 մլն դրամ, իսկ տոկոսների համար՝ 3 մլն 648 մլն(8%–ով)։ Մարզերում տների ձեռքբերման համար կհատկացվի մինչև 10 միլիոն դրամ և 5,85 միլիոն դրամ տոկոսների համար (10%–ով)։ Արցախում բնակարանի ձեռքբերման համար կհատկացվի մինչև 12 միլիոն դրամ, իսկ տոկոսներ իհամար՝ մինչև 8,86 միլիոն դրամ (12%–ով), տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
2024-03-28 13:33
Западу нужно, чтобы Армения и Азербайджан как можно скорее заключили «мирный договор», при этом его вообще не интересует, за счет каких армянских территорий это произойдет, заявил в эфире программы Review на 168 TV аналитик Карен Бекарян.
-
2024-03-28 13:23
Президент Арцаха Самвел Шахраманян дал интервью французской газете Le Figaro.
-
2024-03-28 12:52
Армению на глазах всего мира превращают в инструмент реализации опасных планов коллективного Запада, которые полностью расходятся с коренными интересами армянского народа. Об этом пишет в своем ТГ-канале официальный представитель МИД РФ Мария Захарова, комментируя предстоящую встречу высокого уровня Армения-ЕС-США в Брюсселе 5 апреля.
-
2024-03-28 12:51
То, что происходит в Тавуше, – результат грубых ошибок. Нельзя укрепить позиции Азербайджана за счет подрыва безопасности собственного народа. Об этом заявил экс-омбудсмен Армении Арман Татоян.