2022-02-22 09:27
Информагентства
Սպանություն, անդամահատում, արգելված զենք. ՄԻՊ–ը պատերազմի նոր փաստեր է ներկայացրել
ՀՀ Մարդու իրավունքների պաշտպանի աշխատակազմում ավարտվել է 44-օրյա պատերազմի ընթացքում ադրբեջանական պատերազմական հանցանքների վերաբերյալ նոր ապացույցների հետազոտությունը։ ՄԻՊ Արման Թաթոյանը հայտնում է, որ դրանց հիման վրա պատրաստվել են հաղորդումներ` իրավազորություն ունեցող պետությունների դատախազություններ ու ոստիկանություններ, ինչպես նաև ԱԳՆ–երին ուղարկելու համար։ Հաղորդումները կներկայացվեն նաև միջազգային կառույցներին (ՄԱԿ, ԵԽ, ԵՄ և այլն):
Միայն խոշտանգման, սպանությունների ու դաժանությունների փաստերով զեկույցում ներգրավվել է 245 տեսանյութև 120 լուսանկար:
Դրանք ապացուցում են ռազմագերիների, քաղաքացիական անձանց կանխամտածված սպանությունների, խոշտանգման ու անմարդկային վերաբերմունքի, այդ թվում` գլխատումների, մարմնի մասերը կտրելու, սպանվածների մարմինների անարգանքի փաստերը։
Ներկայացված են նաև կրոնական պատկանելիության հիմքով զինծառայողների ու քաղաքացիական անձ գերիների խոշտանգումների փաստեր, եկեղեցիների ոչնչացման ու պղծման, դրանց պատկանելիության վերացմանն ուղղված քաղաքականության, ադրբեջանցի զինվորականների կողմից հայ ռազմագերիների սոցիալական ցանցերի ապօրինի կառավարման ու դրանով ազգամիջյան թշնամանքի հրահրման ու խրախուսման դեպքեր։
Նշվում է նաև գերիների հայրենադարձն արհեստական ձգձգելու քաղաքական հաշվարկների ու դրանով նրանց ընտանիքներին հոգեկան տառապանքներ պատճառելու հանգամանքը։
Հավաքված փաստերը վկայում են նաև արգելված կասետային զինատեսակներով քաղաքացիական բնակչության ու քաղաքացիական բնակավայրերի ավերման, քիմիական զանգվածային ոչնչացման զինատեսակների կիրառման, Արցախի դեմ պատերազմում ջիհադիստների և ահաբեկիչների օգտագործման հանգամանքները։
Զեկույցում ներկայացված է նաև COVID-19 համավարակի պայմաններում պատերազմ սանձազերծելու, Արցախի և Հայաստանի առողջապահական համակարգերը կաթվածահար անելու միջոցով մահվան դեպքերի շեշտակի աճին նպաստելը։
Հաղորդման մեջ նշված են նաև, թե ադրբեջանական կողմի որ մարմիններն ու կոնկրետ որ պաշտոնյաներն են կատարել հանցանքները։
Տեսանյութերն ադրբեջաներենից կամ ռուսերենից (որոշ տեսանյութերում ադրբեջանական զինվորականները խոսում են ռուսերեն) թարգմանվել են անգլերեն կամ ռուսերեն լեզուներով, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-06 15:06Спикер парламента РА Ален Симонян на встрече с председателем Совета Федерации РФ Валентиной Матвиенко поднял вопрос армянских пленных и без вести пропавших. Об этом сообщает пресс-служба армянского парламента.
-
New2025-06-06 15:04Спикер Совфеда Валентина Матвиенко в ходе официального визита в Армению встретилась с премьер-министром республики Николом Пашиняном. Об этом сообщила пресс-служба СФ.
-
New2025-06-06 14:58Федеральный суд в Бостоне заблокировал решение администрации президента США Дональда Трампа запретить въезд в Соединенные Штаты иностранных студентов Гарвардского университета до дальнейшего судебного разбирательства. Об этом сообщило агентство Reuters.
-
New2025-06-06 14:55Инцидент произошел после полуночи. Около часа ночи они сели на лошадей и поскакали за третьей лошадью, которая находилась недалеко от границы. Об этом в интервью Новости Армении - NEWS.am рассказал член совета общины Тег Аргам Овсепян, рассказав обстоятельства, при которых двое несовершеннолетних заблудились и оказались на территории Азербайджана.