2022-02-24 16:33
Информагентства
0
Արմեն ԲԱԴԱԼՅԱՆ. ՀԱՅԱՍՏԱՆԻ ՀԵՏ ՄԻՈՒԹԵՆԱԿԱՆ ՊԵՏՈՒԹՅԱՆ ՄԱՍԻՆ ՀԱՄԱՁԱՅՆԱԳԻՐ ԿՍՏՈՐԱԳՐՎԻ
Հայաստանի հետ Միութենական պետության մասին համաձայնագիր կստորագրվի։ Այս մասին փետրվարի 24-ին լրագրողների հետ զրույցում ասաց քաղտեխնոլոգ Արմեն Բադալյանը։
Նա կարծիք հայտնեց, որ այն արդեն պատրաստ է և կներկայացվի ստորագրման Հայաստանի վարչապետին։
Փորձագետը վստահ է, որ Ռուսաստանն ԱՊՀ տարածքում իր անվտանգությունը պաշտպանելու քաղաքականություն է վարում, և այս ամենն իր ազդեցությունը կունենա Հայաստանի քաղաքական գործընթացների վրա։
Բադալյանը հիշեցրեց ՀՀ վարչապետ Նիկոլ Փաշինյանի՝ Մոսկվա կատարելիք այցը, ինչպես նաև Բելառուսի նախագահի այն հայտարարությունը, թե Հայաստանը ոչ մեկին պետք չէ և պետք է անդամակցի Միութենական պետությանը։
«Ուկրաինայի և Ադրբեջանի շուրջ գործընթացները ցույց են տալիս, որ դա դատարկաբանություն չէ։ Ռուսաստանը շատ արագ Միութենական պետություն կստեղծի, որպեսզի 2024 թ․ հետո ստեղծի մի համակարգ, որի դեպքում Մոսկվան Բելառուսից մինչև Կենտրոնական Ասիա սպառնալիք չի զգա։ Այս ամբողջ նախագիծը մտնում է եզրափակիչ փուլ»,- ընդգծեց նա։
Բադալյանը Մոսկվայի և Բաքվի միջև ստորագրված հռչակագիրը «Շուշիի հռչակագրի» հակակշիռ անվանեց։
«Ռուսաստանն ամրապնդում է իր դիրքերը Ադրբեջանում։ Ուկրաինայի դեպքում դա անում է ուժի կիրառմամբ, Բելառուսի դեպքում՝ այլ սխեմայով։ Վրաստանը փորձում է չբարկացնել Ռուսաստանին՝ արգելելով հակառուսական գործիչների մուտքը երկիր։ Թբիլիսին կպահպանի չեզոքություն՝ հաշվի առնելով Ռուսաստանից տնտեսական կախվածությունը»,- հավելեց նա։
Փորձագետի կարծիքով՝ ՆԱՏՕ-ի՝ Ուկրաինայի վերաբերյալ գրավոր երաշխիքներ տրամադրելուց հրաժարվելու պայմաններում Ռուսաստանը դիմում է երկրորդ ծրագրին. նա ոչնչացնում է հենց Ուկրաինայի ենթակառուցվածքը՝ այն հակառուսական նախագծից վերածելով ռուսամետ ծրագրի կամ գոնե չեզոք երկրի, որտեղ ռուսամետ ուժերի իշխանություն կհաստատվի, երբ ռուսական տանկերը մտնեն Կիև։
ПОСЛЕДНИЕ ОТ АВТОРА
-
New2024-11-22 17:21Председатель общественной организации "Информированный и защищенный потребитель" Бабкен Пипоян на своей странице в Facebook опубликовал ролик. Он аргументированно критикует позицию мэрии относительно того, что общественный транспорт в Ереване должен стоить намного дороже, в том числе и потому, что закупаются новые автобусы.
-
New2024-11-22 16:15Сборная Армении по футболу сыграет в стыковых матчах Лиги наций с командой Грузии. Об этом стало известно в пятницу по итогам жеребьевки плей-офф престижного турнира, которая состоялась в швейцарском Ньоне.
-
New2024-11-22 16:11«Власти Азербайджана намерены использовать климатический саммит COP29, прошедший в Баку, как платформу для антиармянской пропаганды.
-
New2024-11-22 16:09Человечество еще не окунулось в третью мировую войну, но уже идет настоящая информационная война. Об этом заявил президент Беларуси Александр Лукашенко, передает корреспондент Белта.