Ռադայի պատգամավորները դիմել են Զելենսկուն՝ Պուտինի հետ անհապաղ բանակցություններ սկսելու խնդրանքով
Մի խումբ ժողովրդական պատգամավորներ դիմել են Գերագույն Ռադային և Ուկրաինայի նախագահ Վլադիմիր Զելենսկուն՝ խնդրելով անհապաղ բանակցություններ սկսել Ռուսաստանի նախագահ Վլադիմիր Պուտինի հետ։
Դիմումի տեքստը հրապարակվել է ժողովրդական պատգամավոր Վադիմ Նովինսկու ֆեյսբուքյան էջին։ Զելենսկուն ուղղված կոչը ստորագրածների թվում են խորհրդարանականներ Վիկտորյա Գրիբը, Մուսա Մագոմեդովը, Դմիտրի Շպենովը, Անդրեյ Ակսյոնովը, Դմիտրի Շենցևը:
Սերգեյ Մագերա.
«Այսօր Ռուսաստանի Դաշնության նախագահ Վ. Պուտինը հրապարակավ հայտարարեց Ուկրաինայի տարածքում ռազմական օպերացիայի մասին։ Այս ժամերին Դոնբասում մարտեր են ընթանում, իսկ մեր երկրի ամբողջ տարածքում ռազմական օբյեկտներին ռմբահրթիռային հարվածներ են հասցվել։ Ռազմական գործողությունների հետագա սրումը կարող է իսկական աղետի վերածվել բոլոր կողմերի համար։
Ստիպված ենք արձանագրել, որ խաղաղության բանակցային գործընթացը ձախողվել է: Որոշ ոլորտներում ինքնակառավարման «բանաձևերի» և դրա առանձնահատկությունների մասին դիվանագիտական վեճերն այժմ անցյալում են։ Իսկ ներկայում կան պատերազմող բազմահազարանոց բանակներ, որոնք վտանգ են սպառնում մեր հայրենակիցների կյանքին, ինչպես նաև քաղաքներին ու գյուղերին, ձեռնարկություններին ու ենթակառուցվածքներին, ճարտարապետական և մշակութային ժառանգության հուշարձաններին, որոնք կարող են զոհաբերվել քաղաքական հավակնություններին՝ հայրենասիրական հռետորաբանության քողի տակ»,- նշվում է ժողովրդական պատգամավորների կոչում:
«Վլադիմիր Ալեքսանդրովիչ: Դիմում ենք Ձեզ՝ խնդրելով անհապաղ բանակցություններ սկսել Ռուսաստանի Դաշնության Նախագահի հետ արյունալի առճակատման դադարեցման պայմանների և համապատասխան համաձայնագրի կնքման շուրջ։ Այսօր անհավասար պայմանները, դրսից իրական օգնության բացակայությունն ակնհայտ են. սխալների մի շարք, որոնք հանգեցրին այս վիճակին։ Խոսքը խոհեմության, մարդկային կյանքերի պահպանման և Ուկրաինայի պետականության պահպանման հնարավորության մասին է։ Վստահ եմ, որ ձեր քայլը կստանա Գերագույն Ռադայի պատգամավորների, ՏԻՄ-ի, բիզնեսի աջակցությունը։
Իր պարտքը պետք է կատարի նաև պետության օրենսդիր մարմինը՝ Ուկրաինայի Գերագույն Ռադան։ Անհապաղ անհրաժեշտ է լիազորված պատգամավորական խումբ ձևավորել՝ Ռուսաստանի Դաշնության Դաշնային ժողովի երկու պալատների հետ ռազմավարական խորհրդակցություններ անցկացնելու համար։
Անհրաժեշտ է խոսել ռազմական գործողությունների անհապաղ դադարեցման, իրավիճակի դեէսկալացման հնարավոր ուղիների ու լուծումների, նոր պրագմատիկ փոխզիջման մասին։ Մենք կարծում ենք, որ նոր փոխզիջումներ և նոր «բանաձևեր» դեռ հնարավոր են։ Նման երկխոսության կայացման համար անհրաժեշտ է նաև, որպեսզի Ուկրաինայի Գերագույն Ռադան դիմի Ռուսաստանի Դաշնության Դաշնային ժողովին։ Մենք մեծ հույս ունենք, որ Ռուսաստանի Դաշնության պատգամավորները, գիտակցելով իրավիճակի փակուղին և ողբերգությունը, դրա հնարավոր աղետալի հետևանքները բոլոր կողմերի համար, կարձագանքեն այդ նախաձեռնությանը։ և մենք կկանգնեցնենք թե՛ Ուկրաինայի, թե՛ Ռուսաստանի շարժը դեպի անդունդ։
Կարծում ենք, որ եթե հարյուրից գոնե մի հնարավորություն կա եղբայրասպան սպանդը դադարեցնելու համար, ապա պետք է օգտագործել այն։ Համոզված ենք, որ այդ քայլին կաջակցի նաև ամբողջ միջազգային հանրությունը»,- ասվում է կոչում, տեղեկացնում է News.am-ը։
ПОСЛЕДНИЕ ОТ АВТОРА
-
New2022-09-27 14:1248Факт в том, что Армения находится в состоянии капитуляции и не просто так оказалась в этом состоянии. Об этом заявил в беседе с журналистами в военном пантеоне «Ераблур» 27 сентября экс-министр обороны РА, руководитель парламентской фракции блока «Армения» Сейран Оганян, комментируя интервью первого президента Армении Левона Тер-Петросяна, которое тот дал накануне.
-
New2022-09-27 14:0853Заместитель директора престижного французского издания «Le Figaro» Жан-Кристоф Буиссон сделал запись в своем микроблоге в Twitter, поддержав Армению.
-
New2022-09-27 13:5656Оставаясь верным традициям лжи и манипуляций, МИД Азербайджана во вторую годовщину развязанной им же агрессии против Армении и Арцаха выступил с заявлением, обвинив Армению в агрессии.
-
New2022-09-27 13:3773Заявления о пересчете результатов голосования на выборах в органы местного самоуправления, состоявшихся 25 сентября 2022 года, или о признании недействительными результатов голосования на участках можно подать в соответствующую окружную избирательную комиссию до 11:00 часов 27 сентября.
