2022-02-26 09:52
Информагентства
ԵՄ-ը՝ Պուտինին և Լավրովին պատժամիջոցների ցանկում ներառելու մասին
Ուրբաթ՝ փետրվարի 25-ին, Բրյուսելում կայացած ԵՄ երկրների ԱԳ նախարարների արտահերթ նիստի արդյունքում Եվրոպական դիվանագիտության ղեկավար Ժոզեփ Բորելը հայտնել է, որ Ռուսաստանի նախագահ Վլադիմիր Պուտինն ու ԱԳ նախարար Սերգեյ Լավրովը ներառվել են պատժամիջոցների ցանկում, հաղորդում է «Նեմեցկայա վոլնա»-ն:
ԵՄ խորհուրդը նիստի ժամանակ հաստատել է պատժամիջոցների երկրորդ փաթեթը Ռուսաստանի կողմից Ուկրաինայի դեմ լայնամասշտաբ պատերազմ սկսելու հետևանքով:
Գերմանիայի ԱԳՆ Անալենա Բերբոքը հայտնել է, որ Եվրամիությունը սահմանում է կոշտ պատժամիջոցներ ընդդեմ Պուտինի և ՌԴ ԱԳՆ Լավրովի:
«Եվրամիությունը մշակել է տնտեսական ու ֆինանսական պատժամիջոցների փաթեթ, ինչպես նաև պատժիչ միջոցառումներ ընդդեմ բոլոր նրանց, ովքեր պատասխանատու են Ուկրաինայում մարդկանց նկատմամբ այդ սարսափի համար: Դա կկործանի Ռուսաստանը»,-հայտարարել է նա ԵՄ երկրների ԱԳ նախարարների արտահերթ նիստի շրջանակում:
«Մենք հարված ենք հասցնում Պուտինի համակարգի ուղղությամբ այնտեղ, որտեղ անհրաժեշտ է: Ոչ միայն տնտեսական կամ ֆինանսական ոլորտի, այլ նաև իշխանության ուղղությամբ: Ուստի մենք ներառել են պատժամիջոցների ցանկում ոչ միայն օլիգարխներին և խորհրդարանի մեծ թվով պատգամավորներին, այլ նաև նախագահ Պուտինին ու արտաքին գործերի նախարար Լավրովին»,-պարզաբանել է Բերբոքը՝ նշելով, որ «այդ երկու գործիչները պատասխանատվություն են կրում Ուկրաինայում անմեղ մարդկանց մահվան և միջազգային համակարգը ոտնահարելու համար»:
Անալենա Բերբոքը նաև պարզաբանաել է, թե ինչու SWIFT միջազգային վճարային համակարգից Ռուսաստանի բացառումը դեռևս չի նախատեսվում:
«Իրանի փորձը ցույց է տվել, որ SWIFT համակարգից բացառումն ունի չափազանց լայն հետևանքներ՝ ի տարբերություն թիրախային պատժամիջոցների ընդդեմ կոնկրետ բանկերի: Արդյունքում մենք, օրինակ, զրկվել ենք հումանիտար նախագծերը ֆինանսավորելու հնարավորությունից»,-ասել է նա:
Բերբոքի խոսքով՝ Ռուսաստանին SWIFT համակարգից բացառումը կարող է բացասաբար ազդել նաև արտերկում բնակվող ռուսների վրա, որոնք գումար են ուղարկել Ռուսաստանում գտնվող իրենց ազգականներին: Միևնույն ժամանակ Գերմանիայի ԱԳ նախարարը չի բացառել հետագայում ՌԴ-ին SWIFT համակարգից բացառելու հնարավորությունը, երբ կչեղարկվի «ավելորդ կողմնակի ազդեցությունը», տեղեկացնում է News.am-ը:
ПОСЛЕДНИЕ ОТ АВТОРА
-
2025-06-11 19:52Глава СНБ Армении Армен Абазян провел очередное заседание межведомственной комиссии, занимающейся вопросами пленных, удерживаемых лиц и без вести пропавших, сообщает Служба нацбезопасности.
-
2025-06-11 19:51Координационный совет армянских организаций Франции (CCAF) выступил с заявлением, в котором говорится:
-
2025-06-11 19:48Спасатели извлекли тело пятого погибшего при взрыве газа и пожара в жилом доме в Чамбараке, сообщили Sputnik Армения в пресс-службе МВД.
-
2025-06-11 19:47Представитель администрации Ирана Фатима Мохаджерани заявила, что Соединенные Штаты не имеют права диктовать Ирану, чем он должен обладать, и только иранцы имеют право решать, что необходимо для их национальных интересов. Фатима Мохаджерани сделала это заявление в интервью ливанскому телеканалу Al Mayadeen во вторник вечером.