Последние новости

Մոսկվայի և Կիևի բանակցությունները տեղի կունենան երկուշաբթի առավոտյան

Բելառուսում Ռուսաստանի և Ուկրաինայի պատվիրակությունների հանդիպումը կարող է մեկնարկել երկուշաբթի առավոտյան, քանի որ Կիևի ներկայացուցիչները որոշել են հանրապետություն մուտք գործել Լեհաստանի կողմից, ՌԻԱ Նովոստի-ին հայտնել է բելառուսցի քաղաքագետ Յուրի Բոսկրեսենսկին, որը մտերիմ է բանակցությունների կազմակերպիչների հետ:

«Բանակցությունները կանցկացվեն երկուշաբթի առավոտյան, քանի որ ուկրաինական պատվիրակությունը, վախենալով իրենց կյանքի համար, ուղևորվել է դեպի Գոմել Լեհաստանով՝ Բրեստի «Վարշավայի կամուրջ» անցակետով: Նրանք մեծ շրջապտույտ են կատարում»,-ասել է գործակալության զրուցակիցը:

Նա հավելել է, որ ուկրաինական պատվիրակությունը կազմված է առավելագույնը հինգ անձից, մասնավորապես՝ դրա կազմում են ԱԳՆ փոխնախարարները, ռազմական և քաղաքական ոլորտի ներկայացուցիչներն, ինչպես նաև «Ժողովրդի ծառա» խմբակցության ղեկավար Դավիդ Արախամիան, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ