2022-03-01 11:58
Информагентства
Հովհաննես Խաչատրյան․ ՌԴ ֆինանսական համակարգի կայունանալն օրերի հարց է
Ռուբլին, այո, կտրուկ տատանումներ ունեցավ, բայց մենք Ռուսաստանի ԿԲ-ի կողմից ֆինանսական մեծ շոկեր թույլ չտալու վճռականություն ենք տեսնում։ Այս մասին Հանրահին հեռուստաընկերությանը տված հարցազրույցում հայտարարել է ԿԲ նախագահի տեղակալ Հովհաննես Խաչատրյանը՝ անդրադառնալով Ռուսաստանի նկատմամբ սահմանված պատժամիջոցների հետևանքով ռուսական ռուբլու փոխարժեքի տատանումներին։
Նրա դիտարկմամբ՝ վերջին օրերին ռուբլին մոտ 20%-ից քիչ ավելի է արժեզրկվել, բայց 2014թ-ի համեմատ էապես հիմա այն ավելի քիչ է՝ այն ժամանակ ավելի քան 100% արժեզրկում է գրանցվել։
Հարցին, թե ինչպես կարող է սա ազդեցություն ունենալ ռուսական ընկերությունների հետ համագործակցող հայկական տնտեսվարողների վրա, Խաչատրյանը նկատեց․
«Եթե Ռուսաստանում, օրինակ, 20%-ի չափով հավանական գնաճ տեղի ունենա, ապա Հայաստանից արտահանվող ապրանքը, օրինակ՝ ելակը, Ռուսաստանում ռուբլով X տոկոսով թանկ կարժենա և ամբողջությամբ կամ մասնակիորեն կփոխհատուցի այն փոփոխությունը, որ տեղի է ունեցել փոխարժեքում։ Կարևորն այն է, թե ինչ դինամիկա կունենան գները Ռուսաստանում։ Սա, բնականաբար, բացասական նորություն է, բայց այստեղ հարցը չափի մեջ է»,- շեշտեց Խաչատրյանը։
ԿԲ նախագահի տեղակալի խոսքով՝ Հայաստանի և Ռուսաստանի տնտեսվարողների միջև ռուբլով փոխանցումներ կատարելու որևէ խնդիր չկա, պատժամիջոցները դրա վրա չեն տարածվում։ Ինչ վերաբերում է դոլարային փոխանցումներին, ապա ՌԴ-ում բազմաթիվ բանկեր սանկցիայի տակ չեն, և եթե մեր տնտեսվարողների՝ ՌԴ-ում գործող գործընկեր տնտեսվարողները նման բանկերում հաշիվներ բացեն, հնարավոր կլինի դոլարով փոխանցումներ կատարել։
Իսկ ի՞նչ անեն այն տնտեսվարողները, որոնք ռուսական ընկերությունների հետ ռուբլով են գործարքներ կատարում, և այժմ ռուբլով առկա դրամական միջոցներ ունեն, ի՞նչ անել, եթե ռուբլին արժեզրկվում է։ ԿԲ ներկայացուցչի խոսքով՝ այս պահին կտրուկ քայլերի դիմել պետք չէ։
«Ամենասթափ մոտեցումն այն կլինի, որ կտրուկ տատանումների ժամանակ, մանավանդ, երբ ֆինանսական ընկերությունները, շոկից դրդված, անտրամաբանական մեծ փոխարժեքներ են սահմանում առքի և վաճառքի համար, կտրուկ քայլեր հիմա պետք չէ անել, որովհետև առքի/վաճառքի տարբերությունները կարճ ժամանակում նվազելու է, Ռուսաստանի ֆինանսական համակարգը կայունանալու է՝ դա օրերի, շաբաթների հարց է»,- նկատեց ԿԲ ներկայացուցիչը, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-05 10:19Въезд в США запрещен гражданам Афганистана, Мьянмы, Чада, Конго, Экваториальной Гвинеи, Эритреи, Гаити, Ирана, Ливии, Сомали, Судана и Йемена - 12 стран. Соответствующую прокламацию подписал президент Дональд Трамп, сообщает РБК со ссылкой на Белый дом.
-
New2025-06-05 10:16Газета "Грапарак" пишет: «В ГД разгорелись новые страсти вокруг нашумевшего проекта об освобождении от армии за деньги, разработанного депутатом от "Гражданского договора" Айком Саркисяном и одобренного правительством. В ходе закрытого обсуждения, состоявшегося на прошлой неделе в Национальном собрании, члены партии ГД сообщили, что Генеральный штаб Вооруженных сил выразил отрицательное мнение по проекту, написав: "Мы против".
-
New2025-06-05 10:15МИД Армении не уполномочен напрямую вмешиваться в процесс выдачи виз гражданам Армении иностранными посольствами, работающими на территории республики, а также осуществлять надзор за их деятельностью. Об этом говорится в ответе МИД Армении на письменный запрос Sputnik Армения.
-
New2025-06-05 10:13Укрепление двустороннего и многостороннего сотрудничества с партнерами по СНГ является для России безусловным приоритетом. Об этом заявил глава правительства РФ Михаил Мишустин.