2022-03-03 09:26
Информагентства
ՄԱԿ ԳԱ-ն Ռուսաստանին դատապարտող բանաձև է ընդունել. Հայաստանը ձեռնպահ է մնացել
ՄԱԿ Գլխավոր ասամբլեան ճնշող մեծամասնությամբ կողմ է քվեարկել Ուկրաինա Ռուսաստանի ներխուժումը դատապարտող բանաձևին և ռուսական զորքերն անհապաղ դուրս բերելու կոչ է արել:
ՄԱԿ Գլխավոր ասամբլեայի արտակարգ նիստում 193 անդամ երկրներից 141-ը կողմ է քվեարկել բանաձևին, 35-ը ձեռնպահ է մնացել, 5-ը դեմ է քվեարկել։
Դեմ են քվեարկել Բելառուսը, ԿԺԴՀ-ն, Էրիթրեան, Ռուսաստանը և Սիրիան։ Ձեռնպահ քվեարկողների թվում են Չինաստանը, Իրանը, Ղազախստանը, Հայաստանը, Պակիստանը, Իրանը, Իրաքը, Կուբան, Ղրղըզստանը, Վիետնամը, Հարավաֆրիկյան Հանրապետությունը, Նիկարագուան, Կենտրոնական Աֆրիկյան Հանրապետությունը, Հնդկաստանը։
Թուրքիան կողմ է քվեարկել։
Բանաձևում, որի համահեղինակները 94 երկրներ են, ասվում է, որ ՄԱԿ-ը «ամենավճռական կերպով դատապարտում է Ռուսաստանի Դաշնության ագրեսիան Ուկրաինայի դեմ»։ Այն պահանջում է, որ «Ռուսաստանի Դաշնությունը անհապաղ դադարեցնի ուժի կիրառումը Ուկրաինայի դեմ» և «անհապաղ, ամբողջությամբ և անվերապահորեն դուրս բերի իր բոլոր զինված ուժերը»։
Բանաձևը պարտադիր իրավաբանական ուժ չունի, սակայն ՄԱԿ-ի անդամների տեսակետների արտահայտությունն է՝ ուղղված Մոսկվայի և նրա դաշնակից Բելառուսի վրա ճնշումը մեծացնելուն։
Քվեարկությունից հետո ՄԱԿ-ում Չինաստանի մշտական ներկայացուցիչ Չժան Ցզյունը հայտարարել է, որ բանաձևը հաշվի չի առնում իրավիճակի պատմությունն ու բարդությունը, փոխանցում է ՏԱՍՍ-ը։
«Ցավոք, այս արտահերթ նստաշրջանում քվեարկության դրված բանաձևի նախագիծը չներկայացվեց բոլոր անդամ երկրների հետ խորհրդակցությունների համար։ Այն նաև հաշվի չի առնում ներկայիս ճգնաժամի պատմությունն ու բարդությունը»,- քվեարկությունից հետո ասել է մշտական ներկայացուցիչը։ Բացի այդ, դիվանագիտական առաքելության ղեկավարը նշել է, որ փաստաթուղթը հաշվի չի առնում «անվտանգության անբաժանելիության սկզբունքը կամ քաղաքական լուծմանը նպաստելու անհրաժեշտությունը»։ «Այս ամենը հակասում է մեր հետևողական դիրքորոշմանը, ուստի մենք այլ ելք չունեինք, քան ձեռնպահ մնալը»,- եզրափակել է նա։ «Չինաստանը ևս մեկ անգամ կոչ է անում միջազգային հանրությանը հավատարիմ մնալ քաղաքական լուծման ընդհանուր գծին և ներգրավված կողմերի միջև ուղիղ երկխոսության համար մթնոլորտի և պայմանների ստեղծմանը», տեղեկացնում է News.am-ը:
ПОСЛЕДНИЕ ОТ АВТОРА
-
New2025-04-22 19:43Международный валютный фонд снизил прогноз по росту экономики Армении в 2025-2026 годах. Об этом говорится в глобальном прогнозе МВФ (Global Economic Outlook) за апрель 2025 года.
-
New2025-04-22 19:41Российско-американский диалог по украинской проблематике продолжится на этой неделе. Об этом заявил помощник президента РФ Юрий Ушаков журналисту "России 1" Павлу Зарубину, комментируя ход российско-американского диалога по украинскому урегулированию.
-
New2025-04-22 19:39Партия "ДОК" Вардана Гукасяна обратилась к правительству США с призывом обратить внимание на трагические случаи смертей в уголовно-исполнительных учреждениях (УИУ) Армении.
-
New2025-04-22 19:33Католикос всех армян Гарегин II поедет на похороны Папы Римского Франциска. Эту информацию Sputnik Армения подтвердил руководитель пресс-канцелярии Первопрестольного Эчмиадзина, иерей Есаи Артенян.