Последние новости

ՌԴ ՊՆ-ը հայտարարել է Վինիցայում Ուկրաինայի Զինուժի բազան ամբողջովին ոչնչացնելու մասին

ՌԴ ՊՆ-ը հայտարարել է, որ Վինիցայում Ուկրաինայի Ռազմաօդային ուժերի բազան ոչնչացվել է գերճշգրիտ զենքի միջոցով, հաղորդում է «Ինտերֆաքս-ԱՎՆ»-ը:

«Մարտի 6-ին մեծ հեռավորության գերճշգրիտ զենքի միջոցով շարքից դուրս է բերվել Վինիցայում Ուկրաինայի Ռազմաօդային ուժերի օդակայանը»,-ասել է ՌԴ ՊՆ պաշտոնական ներկայացուցիչ Իգոր Կոնաշենկովը:

Ընդ որում՝ ավելի վաղ Ուկրաինայի նախագահ Վլադիմիր Զելենսկին հայտարարել էր, որռուսական Զինված ուժերի հասցրած հրթիռային հարվածի հետևանքով Վինիցայի մերձակայքում օդանավակայանն ամբողջովին ավիրվել է, հաղորդում է ՈՒՆԻԱՆ-ը:

Այդ կապակցությամբ նա կրկին կոչ է արել փակել Ուկրաինայի երկինքը:

Ավելի վաղ ՌԴ նախագահ Վլադիմիր Պուտինը Թուրքիայի նախագահ Ռեջեփ Թայիփ Էրդողանի հետ հեռախոսազրույցի ժամանակ հայտարարել էր, որ ՌԴ Զինված ուժերն անում են ամեն ինչ խաղաղ բնակիչների կյանքերը փրկելու և անվտանգությունն ապահովելու համար. կետային հարվածները հասցվում են բացառապես ռազմական ենթակառուցվածքի օբյեկտների ուղղությամբ, տեղեկացնում է News.am:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ