Последние новости

Բեգլարյան․ Արցախը պատրաստ է նույն աղետալի դժվարություններին հանդիպող մարդկանց կողքին լինել

Ռուսական խաղաղապահ զորակազմի միջոցով Ուկրաինայի բնակիչներին 14 տոննա մարդասիրական օգնություն ուղարկելով` Արցախը ցույց է տալիս իր պատրաստակամությունը կանգնելու նույն աղետալի դժվարություններին հանդիպող մարդկանց կողքին։ Նման հայտարարություն է արել Արցախի պետական նախարար Արտակ Բեգլարյանը։

Նա հիշեցրել է, որ նույն իրավիճակում հայտնվել էր նաև հայ ժողովուրդը` թուրք–ադրբեջանական ագրեսիայի հետևանքով։

Արտակ Բեգլարյանը Telegram–ի իր էջում մի քանի նկատառում է արել, որոնք ներկայացնում ենք ստորև.

1. Անկախ մեր երկարատև ու ծանր զրկանքներից և դրանց նկատմամբ աշխարհի գրեթե լիակատար անտարբերությունից, մենք մարդ ենք ու չենք ցանկանում տեսնել մարդկային այնպիսի տառապանքներ և ոչ մի տեղ, այդ թվում՝ Դոնբասում, Կիևում, Ռուսաստանում:

2. Անկախ Արցախի Հանրապետության չճանաչված կարգավիճակից՝ մենք միջազգային հանրության պատասխանատու և լիիրավ անդամ ենք՝ մեր պարտականությունների և իրավունքների հետ միասին։

3. Չնայած 14 տոննան այնքան էլ մեծ ծավալ չէ, բայց մեր հնարավորությունների համեմատ փոքր չէ։ Մենք չենք բացառում ռուս խաղաղապահների միջոցով նոր հումանիտար բեռների ուղարկումը՝ ըստ կարիքների և մեր հնարավորությունների։

4. Մարդու իրավունքներն ու արժանապատվությունը ոչ մեկի կողմից չպետք է ենթարկվեն սահմանափակումների, տեղեկացնում է Sputnik Արմենիա։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ