2022-03-15 17:55
Информагентства
Լուսինե Սահակյան. Աննա Դանիբեկյանն ընդգծված բացասական վերաբերմունք ունի Արմեն Գևորգյանի նկատմամբ
Տեղի ունեցողը չի տեղավորվում տրամաբանության սահմաններում: Այս մասին լրագրողների հետ զրույցում ասաց Արմեն Գևորգյանի փաստաբան Լուսինե Սահակյանը՝ մեկնաբանելով այսօրվա իրադարձությունները դատարանում:
Հիշեցնենք, որ, թեև մարտի 1-ին Գևորգյանը հայտարարել էր, որ մարտի 14-ին և 15-ին Ուկրաինայի հարցով ԵԽԽՎ արտահերթ նիստ պետք է կայանա, որին ինքը պետք է մասնակցի հեռավար ռեժիմով, դատավոր Դանիբեկյանը նիստը նշանակեց մարտի 15-ին։ Այսօր դատավորը նախ նիստը նշանակեց ժամը 16-ին, իսկ երբ մինչ այդ բոլորը, բացի Գևորգյանից, եկան, արձանագրեց նրա բացակայությունը և նիստը տեղափոխեց մարտի 22-ին։
«Նույնիսկ դատախազները վրդովվեցին։ Դա անհարգալից վերաբերմունք է դատարանի, նիստի մասնակիցների նկատմամբ։ Որովհետև դատարանի համար ակնհայտ էր, որ Արմեն Գևորգյանը չի կարող մասնակցել այսօրվա նիստին։ Դա ակնհայտ էր նույնիսկ նիստը նշանակելիս։ Բայց, նշանակելով, նաև տեղափոխել ժամը 16-ին... Դա ուղղակի անտրամաբանական է։ Այնպիսի պավորություն է, որ դատավոր Դանիբեկյանի գործողություններից զարմանալ պետք չէ: Նա որևէ տրամաբանության մեջ չտեղավորվող քայլեր է անում»,- նշեց փաստաբանը՝ հիշեցնելով, որ վերջին նիստին դատավորը նույնպես մի քանի ընդմիջում հայտարարեց, պահանջեց փաստաթղթերով հաստատել առաջիկա գործուղումը և, այնուամենայնիվ, մերժեց միջնորդությունը։ Նման օրինակները շատ են, հավելեց Լուսինե Սահակյանը։
Նրա խոսքով՝ դատավորն ընդգծված բացասական վերաբերմունք ունի Արմեն Գևորգյանի նկատմամբ և չի կարող օբյեկտիվորեն քննել նրա մասով գործը: Նա մերժեց ինքնաբացարկը, սակայն գործնականում ամեն օր հաստատում է իր հակակրանքն Արմեն Գևորգյանի նկատմամբ, եզրափակեց փաստաբանը, տեղեկացնում է News.am-ը։
ПОСЛЕДНИЕ ОТ АВТОРА
-
2025-06-12 19:45Иранские СМИ опубликовали первую серию документов, полученных от израильского режима.
-
2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.