2022-03-17 11:27
Информагентства
Շվեդական Handelsbanken բանկը կդադարեցնի ֆինանսական գործարքները Վրաստանի և Հայաստանի հետ
Շվեդական Handelsbanken բանկը մարտի 21-ից կդադարեցնի ֆինանսական գործարքները Վրաստանի և Հայաստանի հետ։ Այս մասին հայտնում է վրացական Business Formula պորտալը։
Handelsbanken-ը հաստատել է, որը սահմանափակում է ֆինանսական գործարքները Վրաստանում և Հայաստանում: Որոշման պատճառը ուկրաինական ճգնաժամն է։
«Հաստատում ենք, որ սահմանափակում ենք Վրաստանի և Հայաստանի հետ հաշիվների հնարավորությունը։ Մենք պատժամիջոցների տակ գտնվող երկրներ տարանցիկ փոխանցումների բարձր ռիսկ ենք տեսնում»,- նշել են բանկում:
Բանկի հավաստիացմամբ՝ այս միջոցը կառնչվի միայն փոքր թվով անձանց, որոնց մեծ մասը կորպորատիվ հաճախորդներ են: Բանկում հայտարարել են, որ նույնականացման որոշակի ընթացակարգ անցնելով՝ կկարողանան բացառություն անել սահմանափակ հասանելիության գոտու որոշ հաճախորդների համար։
Handelsbanken-ի հաճախորդ Սոֆյա Թեթրաձեն Business Formula-ին ասել է, որ որոշման պատճառը տարանցիկ գործարքների ռիսկն է։ Մասնավորապես, շվեդական բանկը մտավախություն ունի, որ Վրաստան և Հայաստան դրամական փոխանցումները կարող են վերաուղղվել պատժամիջոցների տակ գտնվող երկրներ, այդ թվում՝ Ռուսաստան։
«Տեղական բանկերին հանձնարարվել է խիստ վերահսկողություն իրականացնել երկրների միջև բանկային գործարքների նկատմամբ, և քանի որ դա բավականին դժվար է վերահսկել, որոշ բանկեր այդ պատճառով նախընտրում են անջատվել վրացական համակարգից։ Ես խոսել եմ նաև Nordea-ի հետ, սակայն այդ բանկը դեռ չի պատրաստվում նման փոփոխություններ կատարել իր համակարգում, քանի որ վերահսկողության ավելի լավ մեխանիզմներ ունի»,- ասել է Սոֆյա Թեթրաձեն։
Նրա խոսքով, բանկի ներկայացուցիչները ստեղծված իրավիճակի պայմաններում չեն կարող ասել, թե որքան կտևի այս սահմանափակումը, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
New2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
New2025-06-09 19:50Зампреду РПА Армену Ашотяну продлили домашний арест на 2 месяца.
-
New2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.