2022-03-18 15:38
Информагентства
ԿԽՄԿ․ Բաքվում պահվող հայ գերիները տեսաուղերձներ և նամակներ են ուղարկել իրենց ընտանիքներին
Կարմիր խաչի միջազգային կոմիտեի ներկայացուցիչները վերջին անգամ փետրվարի վերջին, մարտի սկզբին են այցելել Բաքվում պահվող հայ գերիներին։ Այս մասին Armenia Today-ի հետ զրույցում հայտնեց Կարմիր խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին՝ հստակեցնելով, որ խոսքը Բաքվի կողմից գերեվարման փաստը հաստատված բոլոր գերիների մասին է։
Նա հայտնեց, որ առանձնազրույցների ձևով տեսակցություններ են եղել բոլոր գերիների հետ։ «Մեր պատվիրակները առանձին կերպով առանձնազրույցներ են ունեցել բոլոր գերիների հետ, նրանց հնարավորություն է տրվել հեռախոսազանգերի միջոցով հարազատների հետ կապ հաստատել, ինչպես նաև փոխանակել նամակներ»,- նշեց Ամատունին՝ հավելելով, որ նամակները, ինչպես նաև ձայնագրված տեսաուղերձներն արդեն փոխանցվել են նրանց ընտանիքներին։
ԿԽՄԿ ներկայացուցիչը հստակեցրեց, որ այցերի հիմնական նպատակն է վերահսկել գերեվարվածների պահման պայմանները, վերաբերմունքը նրանց նկատմամբ։ «Ցանկացած նկատառում, ինչպես նաև բոլոր բովանադակային հարցերը մենք քննարկում ենք միայն պատկան մարմինների հետ, դրանք հանրայնացման ենթակա չեն»,- նշեց նա։
ПОСЛЕДНИЕ ОТ АВТОРА
-
2025-07-25 19:46Грузия в двенадцатый раз принимает многонациональные военные учения Agile Spirit. Официальное открытие учений состоялось в Совместном учебно-оценочном центре НАТО–Грузия в Крцаниси.
-
2025-07-25 19:45Внешнеторговый оборот Армении в январе-июне 2025 года сократился на 45% по сравнению с аналогичным периодом предыдущего года, составив 9 млрд 668 млн долларов США.
-
2025-07-25 19:42На территории автовокзала Аштарака состоялась акция протеста. Жители города жалуются на компанию «Мульти транспорт», говорят о плохой работе транспорта и росте цен за проезд.
-
2025-07-25 19:40Сотрудники МВД Армении усилят дежурство в день праздника Вардавар, который будет отмечаться 27 июля. Об этом сообщили в пресс-службе полиции.