2022-03-19 11:20
Информагентства
Համաշխարհային ֆինանսական ինստիտուտները զգուշացնում են տնտեսական հետևանքների մասին
Մի խումբ առաջատար ֆինանսական վարկատուներ, այդ թվում՝ Համաշխարհային բանկը, Արժույթի միջազգային հիմնադրամը և Եվրոպայի խորհրդի զարգացման բանկը, նախազգուշացրել են Ուկրաինայում պատերազմի «համատարած» տնտեսական հետևանքների մասին:
«Ողջ համաշխարհային տնտեսությունը կզգա ճգնաժամի հետևանքները դանդաղ աճի, առևտրի խափանումների և ավելի կտրուկ գնաճի պատճառով»,- ասվում է հայտարարության մեջ: Նշվում է, որ հակամարտությունը հարված է հասցրել էներգիառեսուրսների և սննդի մատակարարմանը, ինչը հանգեցրել է աղքատության աճին։
«Հետևանքներն ընդարձակ կլինեն՝ էներգիայի և սննդի մատակարարումների կրճատումից մինչև գների բարձրացում և աղքատություն, ինչպես նաև Ուկրաինայի զանգվածային վերականգնում․ այդ ամենը կխոչընդոտի հետհամավարակային վերականգնմանն ամբողջ աշխարհում:
Ամբողջ համաշխարհային տնտեսությունը կզգա ճգնաժամի հետևանքները դանդաղ աճի, առևտրի խափանումների և բարձր գների տեսքով, ինչը հատկապես կվնասի ամենաաղքատ և խոցելի խավերին։ Երկրները, հատկապես՝ Ուկրաինայի հարևանները, կբախվեն առևտրի, մատակարարման շղթաների և դրամական փոխանցումների խափանումներին, ինչպես նաև փախստականների հոսքի աճին: Վստահության նվազումը և ներդրողների անորոշության բարձրացումը կազդեն ակտիվների գների վրա, կխստացնեն ֆինանսական պայմանները և նույնիսկ կարող են հանգեցնել զարգացող շուկաներից կապիտալի արտահոսքի»,- ասվում է հաղորդագրության մեջ, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-12 19:45Иранские СМИ опубликовали первую серию документов, полученных от израильского режима.
-
New2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
New2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
New2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.