Չինաստանում գրանցվել է վերջին մեկ տարում կորոնավիրուսից մահվան առաջին դեպքերը

Չինաստանի առողջապահական իշխանությունները հայտնել են երկրում 2021 թվականի հունվարից ի վեր կորոնավիրուսից առաջին մահվան դեպքերի մասին, հաղորդում է PA Media-ն:

Արդյունքում՝ երկրում կորոնավիրուսով վարակվածների ընդհանուր թիվը հասել է 4638-ի։

Շաբաթ օրը Չինաստանը հայտնել է համայնքների միջոցով փոխանցվող կորոնավիրուսային հիվանդության 2.157 նոր դեպքի մասին, որոնց մեծ մասը գրանցվել է Ցզիլին նահանգում: Նահանգում ուղևորությունների արգելք է ներդրվել, և դրա սահմանները հատելու համար ոստիկանության թույլտվություն է պահանջվում:

Չինաստանը շարունակում է կիրառել «զրոյական քովիդի» հաջող, թեև ծանր ռազմավարությունն Ուհանում առաջին բռնկումից ի վեր:

Ռազմավարության շրջանակներում հիմնական շեշտը դրվում է զանգվածային փորձարկումների և խիստ արգելափակումների վրա՝ թույլ չտալով բնակիչներին լքել իրենց տները, քանի դեռ բոլոր նոր դեպքերը հայտնաբերված չեն:

Գործնականում դա նշանակում է, որ հանրապետությունում վիրուսով վարակման համեմատաբար քիչ դեպքեր են գրանցվել, քանի որ հիվանդության օջախները ճնշվում են հայտնաբերվելուն պես։ Այդ ռազմավարությունը ստացավ ժողովրդի աջակցությունը և թույլ տվեց խուսափեց այլ երկրներում նկատվող մահերի մեծ թվից, որոնցից շատերը սկսել են հրաժարվել սոցիալական մեկուսացման ցանկացած միջոցից:

Այժմ, երբ Չինաստանը բախվել է իր ամենաուժգին բռնկմանը 2019 թվականի վերջից ի վեր, պաշտոնյաները խոստացել են կրկնապատկել զրոյական հանդուրժողականության ռազմավարությունը՝ վարակների ներկայիս բռնկումը զսպելու համար: Սակայն հինգշաբթի Չինաստանի առաջնորդ Սի Ցզինպինն առաջին անգամ խոստովանեց ձեռնարկվող միջոցառումների ծանրությունը՝ հայտարարելով, որ Չինաստանը պետք է «առավելագույն արդյունքի» հասնի «նվազագույն ծախսերով» վիրուսի դեմ պայքարում, տեղեկացնում է News.am-ը։