2022-03-21 19:03
Информагентства
ՌԴ-ում արգելվել են Facebook-ը և Instagram-ը՝ ծայրահեղական գործունեության համար
Մոսկվայի Տվերի դատարանն արգելել է ՌԴ-ում Facebook-ը և Instagram-ը՝ ծայրահեղական գործունեության համար, հաղորդում է «ՌԻԱ Նովոստին»։
«Որոշումն անհապաղ կիրականացվի»,- հայտնել է դատարանը։
Գլխավոր դատախազությունը հայցը բացատրել է որպես ռուսաստանցիներին իրենց իրավունքների հետագա խախտումներից պաշտպանելու ցանկություն։ Այսպիսով, Instagram-ն անտեսել է ավելի քան 4,5 հազար պահանջ՝ հեռացնելու Ուկրաինայում Ռուսաստանի հատուկ գործողության մասին կեղծիքները և չարտոնված հանրահավաքների կոչերը։
Ըստ դատախազների՝ ծայրահեղական տեղեկատվությունը սպառնում է ինչպես անհատներին, այնպես էլ ողջ հասարակությանը:
Դատախազը նշել է, որ որոշումը չի տարածվում WhatsApp մեսենջերի վրա։
Իր հերթին, Meta-ի ներկայացուցիչն առարկել է, որ ռուս օգտատերերը շփման համար օգտվում են այդ հարթակներից։ Խախտումների համար ընկերությունն արդեն տուգանքներ է վճարել։
Meta-ն նշել է, որ արգելափակման դեպքում հսկայական քանակությամբ ոչ հակասական տեղեկատվություն անհասանելի կդառնա։
Ավելի վաղ Meta Platforms-ն ուկրաինական իրադարձությունների ֆոնին Facebook-ում և Instagram-ում ժամանակավորապես հանել էր ռուս զինվորականների նկատմամբ բռնության կոչերի արգելքը, «բայց ոչ՝ Ռուսաստանի Դաշնության քաղաքացիական բնակչության նկատմամբ»։
Դրանից հետո ՌԴ գլխավոր դատախազությունը բարձրացրել է Meta-ն ծայրահեղական կազմակերպություն ճանաչելու հարցը, իսկ ՌԴ Քննչական կոմիտեն քրեական գործ է հարուցել ծայրահեղականության հրապարակային կոչերի և ահաբեկչությանն օժանդակելու վերաբերյալ։
Meta-ի փոխնախագահ Նիկ Քլեգը ավելի ուշ բացատրել է, որ նոր քաղաքականությունը կկիրառվի միայն Ուկրաինայում և վստահեցրել է, որ Meta-ն «չի հանդուրժի ռուսաֆոբիան»:
Գլխավոր դատախազության խնդրանքով «Ռոսկոմնադզոր»-ը Ռուսաստանում սահմանափակել է մուտքը Instagram՝ ռուսաստանցիների նկատմամբ բռնություն գործադրելու կոչերի պատճառով։ Անցած երկուշաբթի օրվանից Instagram-ն անհասանելի է ռուսական IP հասցեների համար։
Իսկ մինչ այդ «Ռոսկոմնադզորն» արգելափակել էր Facebook-ը՝ ռուսական լրատվամիջոցների և տեղեկատվական ռեսուրսների նկատմամբ զանգվածային խտրականության պատճառով, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-13 12:13Иранские власти сообщили Международному агентству по атомной энергии (МАГАТЭ), что ядерные объекты в Исфахане и Фордо не пострадали. Об этом заявил глава МАГАТЭ Рафаэль Гросси. Его слова приводит ТАСС.
-
New2025-06-13 12:11МИД Армении осудил атаку Израиля на Иран и призвал к немедленному прекращению боевых действий.
-
New2025-06-13 12:10Цены на нефть взлетели на 13% на фоне опасений, что конфликт может ограничить поставки.
-
New2025-06-13 11:44Военные удары израильских сил по Тегерану унесли жизни по меньшей мере шести иранских ученых-ядерщиков, сообщает Tasnim.