2022-03-23 11:29
Информагентства
0
Արցախում 3-րդ օրն է՝ դադարեցված է գազի մատակարարումը
Արցախում երրորդ օրն է՝ դադարեցված է գազի մատակարարումը։ Ռուսական խաղաղապահ զորակազմի հրամանատարությունը շարունակում է ադրբեջանական կողմի հետ բանակցությունները։ Այս մասին NEWS.am-ին հայտնեց Արցախի պետական նախարարի աշխատակազմի տեղեկատվության և հասարակայնության հետ կապերի բաժնի վարիչ Սամվել Բաբայանը։
Ձյան առատ տեղումների պայմաններում Արցախի շուրջ 120 000 բնակչությունը զրկված է կենսական նշանակություն ունեցող գազից։
Արցախում գազի մատակարարումը դադարեցվել էր դեռ մարտի 8–ին, երբ ժամը 1։00–ի սահմանում, ադրբեջանական զինված ուժերի վերահսկողության տակ գտնվող տարածքում վնասվել էր մայրուղային բարձր ճնշման գազատարը։
Ադրբեջանական կողմը 9 օր խոչընդոտներ էր ստեղծում վնասված գազատարի վերանորոգման աշխատանքները իրականացնելու համար։ Եվ միայն մարտի 16–ին, ըստ Արցախի տեղեկատվական շտաբի, Հայաստանի կառավարության ու ռուս խաղաղապահների աջակցությամբ իրականացվող բանակցությունների շնորհիվ՝ ադրբեջանական կողմն սկսել էր գազատարի վերանորոգման աշխատանքները, որոնք ավարտվել էին մարտի 19–ին։
3 օր անց՝ մարտի 21–ին, Արցախի տեղեկատվական շտաբը տեղեկացրեց, որ ադրբեջանական կողմի ուղիղ միջամտության հետևանքով Արցախի Հանրապետությունում կրկին դադարեցվել է գազամատակարարումը։
«Մենք ունենք բավարար հիմքեր պնդելու, որ մարտի 8-ին պայթեցված գազատարի վերանորոգման աշխատանքների ընթացքում ադրբեջանական կողմը տեղադրել է փական, որի միջոցով էլ ժամեր առաջ դադարեցրել է գազամատակարարումը։ Ադրբեջանը ստեղծված եղանակային անբարենպաստ պայմանները ծառայեցնում է մեր ազգաբնակչության համար հումանիտար լրացուցիչ խնդիրներ առաջացնելու նենգ գործին և դիմում հանցավոր քայլի»,– ասվում էր հաղորդագրության մեջ։
Արցախում գազի մատակարարման դադարեցման մասին համատեղ հայտարարությամբ են հանդես եկել Արցախի և Հայաստանի Մարդու իրավունքների պաշտպանները։ «Արցախի հայության էթնիկ զտման ադրբեջանական քաղաքականության համար գտնվել է «մանր վրեժխնդրության» գործիք.... Ավելի քան 100.000 հայ բնակչության նկատմամբ այս ամոթալի «վրեժխնդրությունը» անընդունելի է։ Պետական այս ձեռագիրը լավագույնս բնորոշում է Ադրբեջանի կողմից հնչեցվող «հանդուրժողականության» թեզերի կեղծ ու սնանկ էությունը»,– ասվում էր հաղորդագրության մեջ։
Հայտարարությամբ էր հանդես եկել նաև Հայաստանի արտգործնախարարությունը։
ПОСЛЕДНИЕ ОТ АВТОРА
-
New2024-11-26 09:39Ассоциация судей Республики Армения выступила с заявлением, в котором, в частности, говорится:
-
New2024-11-26 09:30Армения заняла 79 место среди 111 стран в рейтинге по средней скорости мобильного интернета (32,77 Мбит/с), опустившись на 1 позицию. Об этом сообщает Speedtest Global Index.
-
New2024-11-26 09:27Министерство образования, науки, культуры и спорта Армении обратилось в Генеральную прокуратуру с просьбой осуществить проверку в отношении армянского сериала «Крылья империи» на предмет пропаганды насилия, криминальных нравов и ненависти, а также нарушения прав несовершеннолетних.
-
New2024-11-26 09:25Вся государственная система подвергается со стороны Пашиняна траффикингу. Об этом в беседе с корреспондентом Новости Армении – NEWS.am заявил депутат от блока «Армения» Гегам Манукян.