2022-03-25 09:47
Информагентства
Գաբրիելյան. Քարագլուխի բարձունքից երևում են բոլոր բնակավայրերը
Քարագլուխ բարձունքը ռազմավարական նշանակություն ունի, քանի որ եթե հանկարծ Ադրբեջանը գրավի այն, այնտեղ կա հովիտ, որտեղից երևում է բոլոր բնակավայրերը՝ Ասկերանի բոլոր գյուղերից մինչև Ստեփանակերտը։ Այս մասին NEWS.am-ի հետ զրույցում ասաց ազատամարտիկ, Ասկերանի վարչակազմի նախկին ղեկավար, Արցախի խորհրդարանի երեք գումարման պատգամավոր Ալյոշա Գաբրիելյանը։
«Փառուխը շատ փոքր բնակավայր է և ադրբեջանցիները պատահական չեն ընտրել այդ գյուղը, որովհետև այդտեղից ճանապարհն ուղիղ տանում է Քարագլուխ բարձունքը։ Նախ և առաջ իրավունք չունենք թույլ տալու, որ Ադրբեջանը գրավի այն, քանի որ բարձունքի գրավումն իր հետևից բերելու է շատ ծանր վիճակի։ Քարագլուխը ռազմավարական նշանակություն ունեցող բարձունք է, Արցախյան առաջին պատերազմի ժամանակ տղաներն արյան գնով պահել են այն»,– ասաց Ալյոշա Գաբրիելյանը։
Հիշեցնենք, որ Արցախի տեղեկատվական շտաբը հայտնել էր, որ այսօր՝ մարտի 24-ին, ժամը 16:00-ի դրությամբ Ադրբեջանի զինված ուժերն Ասկերանի շրջանի Փառուխ գյուղի ուղղությամբ խախտել են շփման գիծը, Պաշտպանության բանակի և Արցախի Հանրապետությունում տեղակայված ռուսական խաղաղապահ զորակազմի ներկայացուցիչները փորձում են բանակցությունների միջոցով կասեցնել հակառակորդի հետագա առաջխաղացումը և նրանց վերադարձնել ելման դիրքեր, անվտանգության նկատառումներից ելնելով՝ տարհանվել են Ասկերանի շրջանի Խրամորթ համայնքի կանայք և երեխաները, շփման գծի մյուս բոլոր հատվածներում իրավիճակն այս պահին կայուն է:
Իր հերթին «Պատիվ ունեմ» խմբակցության պատգամավոր, Արցախի նախագահի նախկին խորհրդական Տիգրան Աբրահամյանը ֆեյսբուքյան իր էջում գրել էր. «Ադրբեջանական ստորաբաժանումները ներթափանցել են Ասկերանի շրջանի Փառուխ բնակավայրի ուղղությամբ և առաջ շարժվելու մեծ սպառնալիք կա։ Ուղղությունը դեպի Քարագլուխ ռազմավարական բարձունքն է»։
Ասկերանի վարչակազմի նախկին ղեկավար Ալյոշա Գաբրիելյանի խոսքով՝ ադրբեջանցիներն օգտվում են Ուկրաինայում պատերազմից և սրում են իրավիճակը։ «Իմ ցանկությունն է, որ համաժողովրդական պայքարի շարժում սկսվի, ժողովուրդը հասկանա, որ մեր երկրի տերը մենք ենք, մեր ուժերին պետք է վստահենք, թուրքերն օգտվում են ռուս–ուկրաինական պատերազմից և փորձում են իրենց սև գործն անել։ Ռուսներն ի վիճակի են լինելո՞ւ խաղաղ բանակցությունների միջոցով հարցը լուծել, կասկածում եմ»,– ասաց Ալյոշա Գաբրիելյանը։
ПОСЛЕДНИЕ ОТ АВТОРА
-
New2025-06-09 09:30По информации Hraparak.am, кортеж премьер-министра Армении Никола Пашиняна, возвращавшийся из Сюникской области, попал в ДТП в селе Армаш, получили травмы также некоторые из телохранителей.
-
New2025-06-09 09:27Католикос Всех армян Гарегин Второй в Первопрестольном Святом Эчмиадзине принял паломников из армянской епархии Австралии и Новой Зеландии, прибывших в сопровождении духовного пастыря церкви Сурб Аствацацин в Мельбурне иерея Хачера Арутюняна.
-
New2025-06-09 09:24Власти Ирана могут укрепить военно-наступательный потенциал республики за счет документов об атомной сфере, добытых иранской разведкой в Израиле. Об этом, как передает РИА Новости со ссылкой на местные СМИ, заявил в воскресенье министр информации (разведки) Ирана Эсмаил Хатиб.
-
New2025-06-09 09:19Сборная Армении по пара-армрестлингу вернулась с 15 медалями из Румынии, где состоялся 27-й чемпионат Европы.