2022-03-25 12:59
Информагентства
Սլավիկ Առուշանյան․ Եթե Քարագլուխն անցնի Ադրբեջանի ձեռքը, Ասկերանում հնարավոր չի լինի մնալ
Քարագլուխը իշխող բարձունք է, եթե այն ամբողջությամբ անցնի Ադրբեջանի ձեռքը, Ասկերանում և շրջակա գյուղերում հնարավոր չի լինի մնալ։ Այս մասին NEWS.am-ի հետ զրույցում ասաց արցախյան շարժման Ասկերանի նախաձեռնող խմբի հիմնադիր, ԼՂՀ նախկին պատգամավոր Սլավիկ Առուշանյանը։
«Հստակ տեղեկություն չունեմ, թե ինչ վիճակ է հիմա Փառուխում։ Կարող եմ ասել, որ Քարագլուխ բարձունքը հիմնականում մեր վերահսկողության տակ է։ Քարագլուխը դեռևս միջնադարից կարևոր ստրագետիական կետ է եղել արաբական արշավանքներ դեմ պայքարում։ Հիմա էլ իր նշանակությունը չի կորցրել, իշխող բարձունք է, եթե այն ամբողջությամբ անցնի Ադրբեջանի ձեռքը, Ասկերանում և շրջակա գյուղերում հնարավոր չի լինի մնալ»,– ասաց Սլավիկ Առուշանյանը։
Արցախի Պաշտպանության բանակի հաղորդագրության համաձայն՝ ադրբեջանական ստորաբաժանումները այս գիշեր կրակ են բացել ՊԲ ստորաբաժանումների վրա և կիրառել ինչպես տարբեր տրամաչափի հրաձգային զինատեսակներ, այնպես էլ հարվածային ԱԹՍ: Ծավալված փոխհրաձգության արդյունքում հակառակորդի կողմից զոհվել է առնվազն 5 զինծառայող: Հայկական կողմից կա մեկ վիրավոր։
Ըստ ՊԲ–ի՝ մարտի 24-ին Ադրբեջանի ԶՈՒ ստորաբաժանումները, կոպտորեն խախտելով 2020թ. նոյեմբերի 10-ի եռակողմ հայտարարության պահանջները, ներխուժել են Արցախի Հանրապետությունում Ռուսաստանի Դաշնության խաղաղապահ զորակազմի պատասխանատվության գոտի, վերահսկողության տակ վերցնելով Ասկերանի շրջանի Փառուխ գյուղն ու հարակից դիրքերը, ապա փորձել առաջխաղացում ապահովել Արցախի Հանրապետության արևելյան սահմանագոտում:
Ռուսական խաղաղապահ զորակազմի և Արցախի համապատասխան մարմինների կողմից ժամեր տևած բանակցությունները էական արդյունքներ չեն տվել, և հակառակորդը չի վերադարձել ելման դիրքեր:
ПОСЛЕДНИЕ ОТ АВТОРА
-
New2025-07-24 06:58На основании представленного сообщения по факту разжигания национальной ненависти в отношении арцахцев судья Ереванского уголовного суда Самвел Юзбашян постановил возбудить уголовное производство. Об этом пишет адвокат Роман Ерицян.
-
New2025-07-24 06:55Встреча лидеров России и Украины должна "поставить точку", заявил журналистам помощник президента РФ Владимир Мединский.
-
New2025-07-24 06:51Решение Стокгольмского торгового арбитража станет в Армении обязательным к выполнению, только если его утвердит национальный суд. Об этом заявил в беседе с 24News временный управляющий "Электросетями" Романос Петросян.
-
New2025-07-24 06:48Российская сторона предложила Украине сформировать три рабочих группы (по политическим, гуманитарным и военным вопросам), которые будут работать онлайн. Об этом сообщил глава российской делегации на переговорах в Стамбуле Владимир Мединский по завершении встречи.