2022-03-25 15:48
Информагентства
Տիգրան Աբրահամյան․ Ադրբեջանը ծանր գին վճարելով է փորձում է ամրանալ Քարագլխում
Արցախում Քարագլխի նկատմամբ վերահսկողություն ունեն հայկական համապատասխան ուժային ստորաբաժանումներն ու ռուս խաղաղապահները, լրագրողների հետ զրույցում հայտարարեց ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Նա ասաց, թե Ադրբեջանի գլխավոր նպատակը՝ հասնել Քարագլխի այն հատվածին, որը նրան լիակատար վերահսկողության հնարավորություն կտար, չի հաջողվել. ռուս խաղաղապահները մի քանի հատվածից կանխել են ներխուժումն ու հայկական ստորաբաժանումները փակել են ներթափանցման ուղղությունները։
Իրավիճակը սրանով, սակայն, ըստ պատգամավորի, չի հանգուցալուծվել. փաստացի, Փառուխի ու Փառուխի հարակից հատվածների նկատմամբ Ադրբեջանը շարունակում է վերահսկողություն սահմանել։
«Ես տեղեկություն ունեմ, որ Ադրբեջանը փորձում է այդ հատվածներում, որտեղ ապահովել է ներխուժումը, ամրաշինական աշխատանքներ իրականացնել, ինչը դժվարացնում է բանակցությունների գործընթացը», - ասաց Աբրահամյանը։
Հարցին, թե Քարագլուխը մեզ համար ռազմավարական ի՞նչ նշանակություն ունի ու ինչո՞ւ է թշնամին ամեն գնով ցանկանում հասնել այդ բարձունքին, Աբրահամյանն ասաց, թե այդ բարձունքը հնարավորություն է տալիս Ասկերանի ուղղությամբ բավականին կարևոր հատվածներում ճանապարհների, հարակից հատվածների նկատմամբ վերահսկողություն հաստատել։
«Դա բավականին մեծ տեսադաշտ ունի դեպի Ակնա՝ նախկին Աղդամի ուղղություն, ու այդ ռազմավարական բարձունքի նկատմամբ վերահսկողությունը բավականին մեծ ռազմավարական խնդիրներ է լուծում ու, կարծում եմ, դրանով է պայմանավորված, որ Ադրբեջանը փորձում է ամրանալ ու դա անում է բավականին ծանր գին վճարելով, որովհետև ադրբեջանական ներխուժումը ոչ միայն նոյեմբերի 9-ի փաստաթղթի խախտում է, որի երաշխավորն է նաև Ռուսաստանը, այլև՝ սա հետագայում նոր խնդիրներ է ստեղծելու Ռուսաստանի համար այն առումով, որ Ռուսաստանի ու Ուկրաինայի գնաժամի պայմաններում, ովքեր փորձում են Ռուսաստանի համար նոր ճակատ բացել, բնական է, որ Ռուսաստանի շատ ավելի կոշտ հակազդմանն են արժանանալու, քան՝ մեկ այլ պայմաններում», - հայտարարեց ընդդիմադիր պատգամավորը, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2025-06-09 05:50«Враждебность Азербайджана по отношению к Армении никогда не была результатом нагорно-карабахского конфликта; это был просто предлог, который Баку представлял поколениям западных дипломатов. Корень неприятия Азербайджана лежал как в идеологии, так и в необходимости для президентов Азербайджана отвлекать свое население от собственных неудач и коррупции, пишет Майкл Рубин, старший научный сотрудник Американского института предпринимательства, в статье, опубликованной в Washington Examiner.
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.