2022-03-25 17:54
Информагентства
Շարմազանով․ Ընդդիմադիր գործընկերներ՝ վերմակը ձեր վրա մի քաշեք (ՏԵՍԱՆՅՈՒԹ)
Այո, նախկիններն էլ են ընդունել տարածքային ամբողջականության սկզբունքը, բայց նախկինները դրանից առաջ հայտարարել են, որ Արցախը չի կարող լինել Ադրբեջանի կազմում և նախկինների համար թիվ մեկ խնդիրը եղել է ինքնորոշման իրավունքի իրացումը: Այս մասին, այսօր՝ մարտի 25-ին, Կոմիտասի անվան պանթեոնում լրագրողների հետ զրույցում նշեց ՀՀԿ խոսնակ Էդուարդ Շարմազանովը՝ անդրադառնալով վարչապետ Նիկոլ Փաշինյանի հայտարարությանը, թե նախկին իշխանությունները նույնպես ընդունել են տարածքային ամբողջականության սկզբունքը:
«Երբ եք լսել այս իշխանությունների կողմից պատերազմից հետո, որ ասեն՝ Արցախի ժողովրդի ինքնորոշման իրավունքի իրացումն այլընտրանք չունի, և Արցախը չի լինելու Ադրբեջանի կազմում: Կամ ո՞նց կարելի է ասել՝ մենք Ադրբեջանի 5 կետերին համաձայն ենք»,-ասաց նա:
Շարմազանովը կարծիք հայտնեց, որ նոյեմբերի 9-ի հայտարարությունից հետո Փաշինյանը պետք է օրուգիշեր աշխատեր Ռուսաստանի հետ. «Ոչ թե գնար ՌԴ-ին սուտի «սպասիբո»-ներ շռայլեր, այլ ասեր՝ Վլադիմիր Վլադիմիրովիչ, էս կետը որ դու ստորագրել ես, Ալիևը չի անում, մեր բոլոր կառույցները գիշեր-ցերեկ դրանով պետք է զբաղված լինեին»:
Հարցին, թե ինչու ռուս խաղաղապահներին չի հաջողվում ադրբեջանցիների սադրանքները զսպել, Շարմազանովը պատասխանեց. «Ես ռուս խաղաղապահների փոխարեն չեմ կարող, բայց ինձ հայտնի չէ աշխարհում որևէ խաղաղապահի կոնտինգենտ, որը 100 տոկոսով կարողանում է իր վրա դրված պարտականությունները կատարել: Ինձ համար անհասկանալի և անըդունելի է անել հայտարարություններ, որ Արցախի ու Հայաստանի անվտանգությանը կսպառնա»:
ՀՀԿ խոսնակի կարծիքով, այս իրավիճակից ելքը իշխանափոխությունն է, բայց ինքը չգիտի՝ ինչպես հասնել դրան:
Անդրադառնալով հարցին, թե արդյոք ընդդիմության կոնսոլիդացիա և փողոցային պայքար լինելու է, ՀՀԿ խոսնակը պատասխանեց. «Ես կարող եմ ասել, որ ընդդիմությունը բավականին բազմաշերտ է: Իմ կոչը իմ ընդիմադիր գործընկերներին հետևյալն է՝ պահեք ձեզ ՀՀԿ-ի նման: Այսինքն՝ վերմակը ձեր վրա մի քաշեք, բոլորիս է վերաբերվում, և համախմբվեք գաղափարի շուրջ: Որովհետև եթե ամեն մեկս մեզ Բոնապարտի տեղ ենք դնում, մարդիկ կարող են ասել, որ սա ոչ թե հայրենիքի փրկության խնդիր է, այլ իշխանության կռիվ է: Դրա համար մենք ասել ենք, որ իշխանության ռևանշ չենք ուզում, մենք քաղաքականությունից էսպես կուշտ ենք, մեր խնդիրը մեր 30-ամյա երազանքը, նպատակը անվերապահ չկործանելն է»:
News.am
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.