2022-03-27 20:48
Информагентства
ՌԴ ՊՆ․ Ադրբեջանական կողմը դուրս է բերել իր ստորաբաժանումները Փառուխի շրջանից
Ադրբեջանական կողմն իրականացրել է իր ստորաբաժանումների դուրսբերում Փառուխ բնակավայրի տարածքից։ Այս մասին հայտնում է ՌԴ ՊՆ-ն:
«Ռուսական խաղաղապահ զորակազմը շարունակում է իր առաջադրանքների իրականացումը Լեռնային Ղարաբաղի տարածքում: Քսանյոթ դիտակետերում ռուս խաղաղապահներն իրավիճակի շուրջօրյա մոնիթորինգ և հրադադարի ռեժիմի պահպանման վերահսկողություն են իրականացնում:
Գրանցվել է Ադրբեջանի Զինված ուժերի կողմից հրադադարի ռեժիմի խախտման երկու դեպք Ասկերանի շրջանում: Փոխհրաձգության հետևանքով վիրավորվել է երկուական մարդ ամեն կողմից: Ռուսական խաղաղապահ զորախմբի հրամանատարությունը, համագործակցելով հակամարտող կողմերի ներկայացուցիչների հետ, կայունացրել է իրավիճակը։
Անցկացված բանակցությունների արդյունքներով՝ ադրբեջանական կողմն իրականացրել է իր ստորաբաժանումների դուրսբերում Փառուխ բնակավայրի տարածքից: Ռուսական խաղաղապահ զորակազմի ստորաբաժանումներն ապահովել են Ադրբեջանի Հանրապետության երեք շարասյան ուղեկցումը Լաչինի միջանցքով. երկուսը՝ հյուսիսային, մեկը՝ հարավային ուղղություններով:
Իրականացվել է հերթապահություն 4 երթուղով Ասկերանի, Մարտակերտի, Մարտունիի և Շուշիի շրջաններում:
2020 թ. նոյեմբերի 23-ից ի վեր, ընդհանուր առմամբ, ռուսական խաղաղապահ զորակամզի ինժեներասակրավորական խմբերի կողմից չպայթած ականներից և արկերից մաքրվել է 2 358,9 հա տարածք, 689,5 կմ ճանապարհ 1937 շինություն, հայտնաբերվել և վնասազերծվել է 26 257 պայթյունավտանգ առարկա:
Ռուս խաղաղապահների անվտանգության ապահովման և հնարավոր միջադեպերի կանխման համար անխափան փոխգործակցություն է իրականացվում Ադրբեջանի և Հայաստանի գլխավոր շտաբերի գեներալների հետ»,- ասվում է ՌԴ ՊՆ հայտարարության մեջ, տեղեկացնում է News.am-ը:
ПОСЛЕДНИЕ ОТ АВТОРА
-
New2025-04-04 19:43Фестиваль российского кино открылся в Ереване в кинотеатре "Москва" с показа фильма "Любовь Советского Союза". Кинокартина повествует о женщине, которую любили на всем постсоветском пространстве.
-
New2025-04-04 19:41Евразийский экономический союз (ЕАЭС) и Вьетнам ведут переговоры о либерализации положений соглашения о свободной торговли. Об этом заявил вице-премьер России Алексей Оверчук в эфире телеканала "Россия 24".
-
New2025-04-04 19:38Ветераны Великой Отечественной войны из Армении будут присутствовать на торжественных мероприятиях в Москве и Санкт-Петербурге, приуроченных к 80-летию Победы. Об этом посол РФ в Армении Сергей Копыркин сообщил журналистам.
-
New2025-04-04 19:37Единый кандидат в мэры Гюмри от оппозиции Вардан Гукасян назвал правильным шагом решение Мартуна Григоряна поддержать его для избрания градоначальником.