ԱՀԿ-ն տեղեկացրել է, որ աշխարհում մեկ շաբաթում 43 տոկոսով ավելացել է քովիդից մահացածների թիվը
Անցած շաբաթ ավելի քան 10 մլն մարդ վարակվել է կորոնավիրուսով, ավելի քան 45 հազար մարդ մահացել է։ Մահվան ելքերի թիվը նախորդ յոթ օրերի համեմատ ավելացել է 43 տոկոսով, իսկ վարակումների թիվը նվազել է 14 տոկոսով, չորեքշաբթի գիշեր տեղեկացրել է Առողջապահության համաշխարհային կազմակերպությունը (ԱՀԿ)։
Մարտի 21-27-ը COVID-19-ի նոր դեպքերի թիվը, նախորդ շաբաթվա համեմատ, նվազել է, սակայն այդ նույն ժամանակամիջոցում 43 տոկոսով ավելացել է մահերի թիվը, ինչը, ըստ երևույթին, կապված է Ամերիկայի (Չիլի և ԱՄՆ) տարածաշրջանի որոշ երկրներում COVID-19-ից մահվան սահմանման փոփոխության և Հնդկաստանի ու Հարավարևելյան Ասիայի տարածաշրջանի [տվյալների] հետահայաց ճշգրտման հետ։ Մեկ շաբաթում ԱՀԿ-ն ստացել է տեղեկություններ 10 805 132 մարդու վարակման մասին։ Գրանցվել է 45 711 մահվան դեպք։
Նախորդ շաբաթվա (մարտի 14-20) համեմատ վարակվածների թվի պակասում է գրանցվել ԱՀԿ-ի բոլոր վեց տարածաշրջաններում։ Դա հատկապես ցայտուն երևացել է Արևելյան Միջերկրածովում (մինուս 32 տոկոս), Աֆրիկայում (մինուս 29 տոկոս) և Արևմտա-Խաղաղօվկիանոսյան տարածաշրջանում (մինուս 24 տոկոս)։ Եվրոպայում, որին բաժին է ընկնում աշխարհում մեկ շաբաթում վարակումների բոլոր նոր դեպքերի 49 տոկոսը, հիվանդացությունը նվազել է 4 տոկոսով։ Մահացության աճ է գրանցվել Ամերիկայում (18 տոկոս) և Հարավարևելյան Ասիայում (11,6 տոկոս)։ Մնացած տարածաշրջաններում այն նվազել է, ընդ որում՝ հատկապես նկատելիորեն Աֆրիկայում (30 տոկոս), Արևելյան Միջերկրածովում (22 տոկոս) և Եվրոպայում (17 տոկոս)։
Կորեայի Հանրապետությունը տեղեկացրել է մեկ շաբաթում վարակումների ամենամեծ թվի մասին՝ 2 442 195։ Նրան հաջորդում են Գերմանիան (1 576 261), Վիետնամը (1 127 716), Ֆրանսիան (845 119) և Իտալիան (503 935)։ Չիլիում գրանցվել է յոթ օրում մահացածների ամենամեծ թիվը (11 858)։ Նրան հաջորդում են ԱՄՆ-ը (5 367), Հնդկաստանը (4 525), Ռուսաստանը (2 859) և Կորեայի Հանրապետությունը (2 471)։
Մարտի 29-ի դրությամբ ԱՀԿ-ն տեղեկություններ է ստացել 481 756 671 վարակվածի և 6 127 981 մահացածի մասին։ Վարակվածների թիվը մեկ օրում ավելացել է 1 342 231-ով, մահվան դեպքերինը՝ 2 841-ով, տեղեկացնում է News.am-ը։
ПОСЛЕДНИЕ ОТ АВТОРА
-
2024-09-24 05:48
Российские власти озабочены стремительно растущей напряженностью между Израилем и ливанской группировкой «Хезболла», заявил пресс-секретарь президента Дмитрий Песков, передает корреспондент РБК. Так он ответил на вопрос об опасениях Кремля из-за возможной эскалации конфликта.
-
2024-09-24 05:45
Международные организации по защите прав человека, а также все заинтересованные стороны должны приложить активные усилия для обеспечения прав армян, удерживаемых в Баки и предпринять шаги для их возвращения на родину. Об этом заявила Защитник прав человека Анаит Манасян, касаясь событий, произошедших год назад в Нагорном Карабахе.
-
2024-09-24 05:43
США отправляют дополнительные войска на Ближний Восток из-за растущего конфликта между Израилем и Хезболлой, который повысил риск более масштабной региональной войны, заявили в Пентагоне.
-
2024-09-24 05:40
В результате израильских авиаударов по Ливану погибли 274 человека, сообщило Reuters со ссылкой на ливанский Минздрав. По его данным, в числе погибших 21 ребенок и 39 женщин. Также 1024 человека получили ранения.