2022-04-02 09:27
Информагентства
ԵՄ-ն և Չինաստանը «հակադիր տեսակետներ» են փոխանակել Ուկրաինայում տիրող իրավիճակի շուրջ
Եվրամիությունը և Չինաստանն ուրբաթ կայացած առցանց գագաթնաժողովում «բացեիբաց և ազնվորեն փոխանակվել են հակադիր տեսակետներով» Ուկրաինայում տիրող իրավիճակի շուրջ: Այս մասին գագաթնաժողովի ավարտին կայացած ասուլիսում խոստովանել է Եվրահանձնաժողովի ղեկավար Ուրսուլա ֆոն դեր Լյայենը:
«Այո՛, բաց և ազնիվ քննարկումը նշանակում է, որ մենք փոխանակվել ենք հակադիր տեսակետներով: Դա հակամարտություն չէ, դա պատերազմ է, և դա ոչ թե եվրոպական, այլ համաշխարհային խնդիր է»,- հայտարարել է նա:
Եվրախորհրդի նախագահ Շառլ Միշելն, իր հերթին, հրաժարվել է պատասխանել հարցին, թե ինչ դիրքորոշում է զբաղեցրել Չինաստանն Արևմուտքի հակառուսական պատժամիջոցների հարցով՝ հայտարարելով, որ «չի կարող հանդես գալ չինական կողմի ներկայացուցչի դերում»: Նա միայն ընդգծել է Բրյուսելի ակնկալիքները, որ Պեկինը, եթե չաջակցիպատժամիջոցներին, ապա գոնե չի օգնի դրանք շրջանցելուն»:
ԵՄ-ն Չինաստանին կոչ է արել նպաստել Ուկրաինայում հրադադարի շուտափույթ հաստատմանը: Միշելն ընդգծել է, որ չինական կողմը պատրաստակամություն է հայտնել «շարունակել աշխատել հանուն խաղաղության և անվտանգության»:
ԵՄ առաջնորդները Չինաստանին ուղղված մի շարք նախազգուշացումներ են հնչեցրել համատեղ ասուլիսում:
Միշելը, խոսելով Չինաստանի և Ռուսաստանի մերձեցման մասին, ընդգծել է, որ «ԵՄ-ին բաժին է ընկնում չինական արտադրանքի արտահանման 15 տոկոսը, իսկ Ռուսաստանին՝ միայն 1 տոկոսը»:
Ուրսուլա ֆոն դեր Լյայենն, իր հերթին, նախազգուշացրել է Եվրոպայում Չինաստանի հնարավոր հեղինակազրկման մասին Ռուսաստանին աջակցելու պարագայում:
«ԵՄ ոչ մի քաղաքացի չի հասկանա, եթե Չինաստանը ռազմական աջակցություն ցուցաբերի Ռուսաստանին: Չինաստանը պետք է ըմբռնի այդ դեպքում սպասվող հեղինակազրկման լուրջ վտանգները Եվրոպայում, որոնք կարող են ազդեցություն ունենալ բիզնեսի և ներդրումների վրա»:
Բացի այդ, ԵՄ-ն դադապարտել է Չինաստանի կողմից մարդու իրավունքների խախտումները երկրի տարբեր շրջաններում: «Մենք քննարկել ենք նաև հարցեր, որոնց շուրջ համամիտ չենք, այդ թվում՝ մեր մտահոգությունները Սինցզյանում և Տիբեթում փոքրամասնությունների հանդեպ Չինաստանի վերաբերմունքով, ինչպես նաև իրավապաշտպանների դեմ ճնշումների հարցով, տեղեկացնում է News.am-ը:
ПОСЛЕДНИЕ ОТ АВТОРА
-
New2025-04-21 17:09США могут попросить Турцию не препятствовать использованию воздушного пространства Сирии в случае конфликта с Ираном и сохранить нейтралитет, сообщила газета Hürriyet со ссылкой на источники.
-
New2025-04-21 17:08Глава департамента государственной эффективности США (DOGE), бизнесмен-миллиардер Илон Маск хочет оставить работу в американском правительстве, поскольку устал от "нападок левых сил", сообщает газета Washington Post со ссылкой на анонимный источник.
-
New2025-04-21 17:06Объединённая Федерация борьбы (United World Wrestling, UWW) признала самым ярким моментом чемпионата Европы по греко-римской борьбе 2025 года достижение Малхаса Амояна, завоевавшего 4-е золото" европейского первенства.
-
New2025-04-21 17:01Армения и Азербайджан продолжают обмениваться мнениями и предложениями относительно следующих этапов работ по делимитации границы. Об этом в ответ на вопрос Арменпресс заявил вице-премьер-министр РА, председатель комиссии по делимитации границы между Арменией и Азербайджаном Мгер Григорян.