2022-04-04 09:01
Информагентства
Միասնական աղոթք է հնչել Արցախի թեմի բոլոր եկեղեցիներում
ՀԱՍԵ Արցախի թեմի նախաձեռնությամբ միասնական աղոթք է հնչել թեմի բոլոր գործող եկեղեցիներում։ Այս մասին հայտնում են Արցախի թեմից:
Արցախի թեմը վերջերս հանդես էր եկել ապաշխարության կոչով՝ հորդորելով արցախահայությանը միահամուռ կերպով դառնալ առ Աստված և միասնական աղոթք բարձրացնել՝ հանուն Արցախ աշխարհի խաղաղության։ Ստեփանակերտ քաղաքի Սուրբ Աստվածածին Մայր Տաճարը այսօր սովորականից ավելի բազմամարդ էր։
Հավատավոր ժողովրդի հոծ բազմությունը հավատքով լցված համախմբվել էր մեկ նպատակի ու մեկ գաղափարի շուրջ։ Եկեղեցու հոգևոր հովիվ Տեր Ներսես քահանա Ասրյանը իր խոսքում կարևորեց հայ ազգի միաբանությունը՝ համոզմունք հայտնելով, որ չկան այնպիսի դժվարություններ, որոնք չենք կարող լուծել Աստծո օգնությամբ, հատկապես, որ Սուրբ Գիրքն ասում է. «Եթե Աստված մեր կողմն է, ո՞վ կարող է մեզ դեմ լինել»:
Միասնական աղոթքի ընթացքում հնչեց «Տեր ողորմյա» շարականը, որի ներքո բազմամարդ եկեղեցիներում բոլորը ծնրադիր աղերսում էին Տիրոջ ողորմությունը, սերը, գթությունը մեր Հայրենիքի խաղաղության համար: Արարողության վերջում կատարվեց նաև Հոգեհանգստյան կարգ՝ 2016թ. ապրիլյան պատերազմի և բոլոր մեր նահատակների հոգիների խաղաղության համար: «Հավատքով կատարված յուրաքանչյուր աղոթք անպտուղ չի մնում։
Միաբանվելով, միասնական լինելով ու քրիստոնեությունը հասկանալով, մենք կարող են վայելել երանավետ դրախտ Արցախ աշխարհը». ասում է Արցախի թեմի քարտուղար Դավիթ ուրարակիր Փաշայանը:
Միասնական աղոթքի մասնակիցների խոսքով՝ ժողովուրդը սպասում էր այս միասնական աղոթքի կոչին և որ ժամանակն է եկել ազգովի ապաշխարելու։ Ըստ մասնակիցների՝ աղոթելու համար բոլոր ժամերն էլ հարմար են, բայց այսօրվա աղոթքը միասնության, խաղաղության խորհրդանիշ է։
Հայ Առաքելական Սուրբ Եկեղեցին և քրիստոնյա հայ ազգը հավատում է աղոթքի, և հատկապես, միասնական աղոթքի ուժին՝ «Այն ինչը հնարավոր չէ մարդկանց համար, հնարավոր է Աստծու համար», տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-06 12:20Двое несовершеннолетних жителей Сюникской области заблудились и оказались на территории Азербайджана. Об этом сообщает Служба нацбезопасности Армении.
-
New2025-06-06 12:03Разоблачена очередная азербайджанская ложная манипуляция. Об этом сообщила председатель постоянной комиссии по защите прав человека и общественным вопросам Национального Собрания Республики Армения, полномочия которой были прекращены незаконно, беспартийный депутат Тагуи Товмасян.
-
New2025-06-06 11:56Спикер Совета Федерации Валентина Матвиенко рада возобновлению политического диалога двух стран на парламентском уровне. Об этом она сказала в ходе двусторонней встречи с главой Нацсобрания Армении Аленом Симоняном.
-
New2025-06-06 11:53Президент США Дональд Трамп мог потерять за день свыше одного миллиарда долларов из-за ссоры с американским предпринимателем Илоном Маском, при этом котировки акций компании Маска Tesla на открытии торгов на Уолл-стрит в четверг рухнули почти на 14%, сообщает портал Axios.