2022-04-04 11:43
Информагентства
ՌԴ ԱԳՆ․ Բուչայում ուկրաինացի արմատականների սադրանքները նպատակ ունեն խափանել խաղաղ բանակցությունները
Ուկրաինայի կողմից Ռուսաստանին Բուչա քաղաքում խաղաղ բնակչության դեմ հանցագործությունների մեջ մեղադրելը սադրանք է, որի նպատակն է սրել հակամարտությունը և խանգարել խաղաղ բանակցություններին, ասել է Ռուսաստանի ԱԳՆ-ի պաշտոնական ներկայացուցիչ Մարիա Զախարովան։
«Կիևի ռեժիմի հերթական հանցագործության իմաստը խաղաղ բանակցությունների խափանումն ու բռնության սաստկացումն է»,- կիրակի՝ ապրիլի 3-ին գրել է նա Telegram-ալիքում։
«Այս հանգստյան օրերին ուկրաինական կողմը սկսել է տեղեկություններ տարածել Բուչայի խաղաղ բնակիչների շրջանում իբր մեծ թվով զոհերի մասին։ Լուսանկարների և տեսանյութերի բեմադրված լինելուն անմիջապես ուշադրություն են դարձրել Ցանցի օգտատերերը։ Հատկանշական է, որ ուկրաինական հեռուստաալիքով ցուցադրված տեսանյութում խաղաղ բնակիչների մարմիններն ընկած են անվնաս տների կողքին։
Ի պատասխան Բուչայում մեծ թվով խաղաղ բնակիչների իբր սպանության տեսանյութերի հրապարակման՝ ամերիկացի լրագրող Մայքլ Թրեյսին ենթադրել է, որ այդ կերպ Կիևը փորձում է Վաշինգտոնին մարտական գործողությունների դրդել»,- գրել է «Իզվեստիա»-ն։
«Միևնույն ժամանակ, ՄԱԿ-ի իրաքյան զանգվածային ոչնչացման զենքի վերացման գծով նախկին տեսուչ Ուիլյամ Սքոթ Ռիթեր-կրտսերն ընդգծել է, որ Ուկրաինայի իշխանությունները պետք է բուժզննման տվյալներ ներկայացնեն Բուչայի իրադարձությունների մասին։ Փորձագետը փաստել է, որ գիտականորեն ապացուցված այդ բոլոր նյութերի հրապարակումից հետո կարելի կլինի արդեն խոսել այս կամ այն կողմի մեղավորության մասին։
ԱՄՆ-ում ՌԴ-ի դեսպան Անատոլի Անտոնովի խոսքով՝ խաղաղ բնակիչները չեն տուժել ուկրաինական Բուչա քաղաքում՝ ՌԴ-ի Զինված ուժերի վերահսկողության տակ գտնվելիս, իսկ ԱՄՆ-ում լռության են մատնում Ուկրաինայի Զինված ուժերի կողմից Բուչա քաղաքի հրետակոծումը ռուսական զորքերի դուրս գալուց հետո։ Նա ակնհայտ է համարել այն, որ «Կիևի ռեժիմը փորձել է իր չարագործությունների մեղքը բարդել Ռուսաստանի վրա»։
Ռուսաստանը դիմել է ՄԱԿ-ի Անվտանգության խորհրդին՝ նիստ գումարելու կոչով, Բուչայում ուկրաինացի արմատականների սադրանքի առնչությամբ։
Իր հերթին, Միավորված Ազգերի Կազմակերպության գլխավոր քարտուղար Անտոնիու Գուտերիշը հայտարարել է, որ անհրաժեշտ է ուկրաինական Բուչա քաղաքի իրադարձությունների անկախ հետաքննություն անցկացնել։
Ռուսաստանի պաշտպանության նախարարությունը հայտարարել է, որ Կիևի ռեժիմի հրապարակած բոլոր լուսանկարներն ու տեսանյութերը Բուչայում ՌԴ ԶՈւ-ի իբր հանցագործությունների մասին սադրանք են։ Գերատեսչությունն ընդգծել է, որ ռուսաստանցի զինվորականները քաղաքից հեռացել են դեռևս մարտի 30-ին, իսկ Բուչայում հանցագործությունների վկայությունները հայտնվել են նրանց հեռանալուց հետո չորրորդ օրը, երբ քաղաք են մտել ՈւԱԾ-ի աշխատակիցներն ու ուկլրաինական հեռուստատեսության ներկայացուցիչները։
Մինչդեռ, Ուկրաինայի ոստիկանությունը դեռևս ապրիլի 2-ին տեղեկացրել էր, որ Ուկրաինայի ԶՈւ-ի ուժայինները Բուչայում «զտում» են իրականացրել սպանված խաղաղ բնակիչների տեսանյութի հայտնվելուց մեկ օր առաջ։ Նրանք նշել են, որ իրականացվել է «մաքրում» դիվերսանտներից և ռուս զինվորականների հետ համագործակցողներից, տեղեկացնում է News.am-ը։
ПОСЛЕДНИЕ ОТ АВТОРА
-
2025-08-12 14:53Взятые премьер-министром Николом Пашиняном обязательства в рамках подписанных в США соглашений несут новые экзистенциальные угрозы для Армении и армянского народа. Об этом говорится в заявлении оппозиционной фракции "Армения".
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.