2022-04-05 10:18
Информагентства
Հրանտ ՄԵԼԻՔ-ՇԱՀՆԱԶԱՐՅԱՆ. ՀՐԱՊԱՐԱԿՈՒՄ ՈՉ ԹԵ ՄԱՐԴԿԱՆՑ ԲԱԶՄՈՒԹՅՈՒՆ Է ՊԵՏՔ, ԱՅԼ ԷԼԻՏԱՆԵՐԻ ՆԵՐԿԱՅՈՒԹՅՈՒՆ
«Ոսկանապատ» վերլուծական կենտրոնի հիմադիր, քաղաքագետ Հրանտ Մելիք-Շահնազարյանը գրում է.
«Մեր հասարակությունը քաղաքական չէ: Չափից ավելի շատ քաղաքականացված է, բայց քաղաքական չէ: Եվ սա մեծ խնդիր է, որն իր հետևից բազում այլ խնդիրներ է բերում: Վերցնենք, օրինակ, այսօրվա հանրահավաքը: Մարդկանց մոտ հիմնական մեկ հարց կա` ի՞նչ է անելու ընդդիմությունը: Ընդ որում, այդ հարցն իր մեջ պարունակում է մի շարք ուրիշ` մեծամասամբ հոռետեսական ենթահարցեր. նորից սաղ քաղաքով պիտի քայլե՞նք, հավաքվելու ենք ելույթներ լսենք ու ցրվենք տներո՞վ և այլն, և այլն: Լավ չի այս ամենը:
Քաղաքական հասարակությունն ինքն է օրակարգ ձևավորում, հետո գտնում այն ուժերին, որոնք կարող են սպասարկել այդ օրակարգը: Իհարկե, Հայաստանում դրա փորձերն էլ կան, բայց վերոնկարագրյալ իրավիճակն իսկապես գերիշխող է: Նույնիսկ շատ հանրային գործիչներ այդ տրամաբանությամբ են առաջնորդվում` քաղաքական լուծումներ առաջարկելու փոխարեն կտրուկ գործողություններ պահանջում: Նկատենք` ուրիշներից պահանջում:
Երևանում այսօր մեկնարկող հանրահավաքային շարժումը լավ առիթ է, որպեսզի հանրության ունակ հատվածները վերջապես սկսեն օրակարգեր ձևավորել: Հրապարակում ոչ թե մարդկանց բազմություն է պետք, այլ էլիտաների ներկայություն: Մտավորականությունը պետք է գա ու, ժամանակակից լեզվով ասած, քաստինգ անի: Տեսնի, թե հարթակից ելույթ ունեցողներից ով ինչ արժե և ում է կարելի վստահել ժողովրդի քաղաքական առաջնորդությունը: Դե իսկ այդ առաջնորդության հավակնողներն էլ, իրենց հերթին, պետք է խուսափեն լոզունգային ու պոպուլիստական հայտարարություններից և փորձեն ստեղծված իրավիճակից իրական ու գործուն ելքեր առաջարկել:
Այլ կերպ ասած` այսօր մենք կանգնած ենք քաղաքական հասարակություն, նոր օրակարգեր և այդ երկուսին համապատասխան առաջնորդներ ունենալու խիստ կարևոր խնդրի առջև: Իսկ երեկոյան տեղի ունենալիք հանրահավաքը, կարծում եմ, կարող է այդ խնդրի լուծման լավ մեկնարկ դառնալ: Հուսամ` այդպես էլ կլինի»։
ПОСЛЕДНИЕ ОТ АВТОРА
-
New2025-07-23 18:34Сидящий в тюрьме Самвел Карапетян срывает операцию Пашиняна по захвату компании «Электрические сети Армении». Об этом написал на своей странице в «Facebook» политолог Владимир МАРТИРОСЯН.
-
New2025-07-23 18:30В правительстве Армении категорически опровергли и назвали "проявлением манипулятивной пропаганды" публикацию на испанском портале Periodista Digital о том, что Ереваном, Баку и Вашингтоном якобы согласован меморандум по так называемому "Зангезурскому коридору"; в документе он фигурирует как "мост Трампа".
-
New2025-07-23 18:25По благословению предстоятеля Ширакской епархии ААЦ, архиепископа Микаела Аджапахяна 26 июля в 17:00 в Гюмри состоится паломничество от церкви Сурб Акоп к церкви Сурб Аменапркич. Об этом говорится в сообщении, распространенном Ширакской епархией ААЦ.
-
New2025-07-23 18:22Я считаю, что у Вас была возможность представить свою позицию суду, однако она была признана необоснованной. С таким комментарием под соответствующей публикацией на странице Правительства Армении в «Facebook», в частности заявлением Правительства о решении Арбитражного института Торговой палаты Стокгольма по делу «Электрических сетей Армении», выступил вице-президент группы компаний «Ташир», председатель Совета директоров ЗАО «Электрические сети Армении» Нарек Карапетян.