2022-04-08 15:23
Информагентства
Gallup International․ 70%-ը դեմ է Հայաստանի և Թուրքիայի միջև դիվանագիտական հարաբերությունների հաստատմանը
Հայաստանի քաղաքացիների կեսից ավելին հավանություն չի տալիս Թուքրիայի հետ դիվանագիտական հարաբերությունների հաստատմանը։ Հայաստանի և Թուրքիայի միջև առանց նախապայմանների դիվանագիտական հարաբերությունների հնարավոր հաստատմանը և հայ-թուրքական սահմանի հնարավոր բացմանը միանշանակ հավանություն է տվել հարցվածների 11,2 տոկոսը, ավելի շուտ հավանություն տալիս է 15,1 տոկոսը, ավելի շուտ՝ հավանություն չի տալիս 8,7 տոկոսը, բոլորովին հավանություն չի տալիս 59,3 տոկոսը։
Այս մասին ապրիլի 8-ին լրագրողների հետ հանդիպմանն ասել է «Gallup International Association»-ի հայկական ներկայացուցչության ղեկավար Արամ Նավասարդյանը՝ ներկայացնելով հարցման տվյալները։ Նա հիշեցրել է, որ նախորդ հարցման մասնակիցների ավելի քան 60 տոկոսը դեմ էր Հայաստանի և Թուրքիայի միջև դիվանագիտական հարաբերությունների հնարավոր հաստատմանը և հայ-թուրքական սահմանի հնարավոր բացմանը։
«Ադրբեջանին Արցախում լարված իրավիճակի մեղավոր է համարել հարցվածների 43,8 տոկոսը, 27 տոկոսը համարել է, որ մեղավոր են Հայաստանի իշխանությունները, 14,1 տոկոսը մեղավոր է համարել ռուս խաղաղապահներին, 6,1 տոկոսը՝ Արցախի իշխանություններին, 3,9 տոկոսը՝ Թուրքիային։ Հարցվածների 13 տոկոսը տվել է այլ պատասխաններ, ևս 11,2 տոկոսը հարցին դժվարացել է պատասխանել։ Հարցվածների 40,3 տոկոսը միանշանակ այն կարծիքին է, որ Հայաստանի իշխանությունները չեն կարող Ադրբեջանի հետ ստորագրել խաղաղ պայմանագիր՝ ի շահ Հայաստանի և Արցախի, ավելի շուտ՝ չեն կարող ստորագրել պատասխանն է տվել 16,9 տոկոսը»,- նշել է Նավասարդյանը։ Հարցումն իրականացվել է 2022թ. ապրիլին 1 002 հարցվողների շրջանում։ Հիշեցնենք, որ Հայաստանի արտաքին գործերի նախարար Արարատ Միրզոյանը ավելի վաղ ասել էր. «Ընդհանուր առմամբ, Հայաստանի բնակչությունը ցանկանում է կարգավորել հարաբերությունները Թուրքիայի հետ» , տեղեկացնում է News.am։
ПОСЛЕДНИЕ ОТ АВТОРА
-
New2025-06-06 15:06Спикер парламента РА Ален Симонян на встрече с председателем Совета Федерации РФ Валентиной Матвиенко поднял вопрос армянских пленных и без вести пропавших. Об этом сообщает пресс-служба армянского парламента.
-
New2025-06-06 15:04Спикер Совфеда Валентина Матвиенко в ходе официального визита в Армению встретилась с премьер-министром республики Николом Пашиняном. Об этом сообщила пресс-служба СФ.
-
New2025-06-06 14:58Федеральный суд в Бостоне заблокировал решение администрации президента США Дональда Трампа запретить въезд в Соединенные Штаты иностранных студентов Гарвардского университета до дальнейшего судебного разбирательства. Об этом сообщило агентство Reuters.
-
New2025-06-06 14:55Инцидент произошел после полуночи. Около часа ночи они сели на лошадей и поскакали за третьей лошадью, которая находилась недалеко от границы. Об этом в интервью Новости Армении - NEWS.am рассказал член совета общины Тег Аргам Овсепян, рассказав обстоятельства, при которых двое несовершеннолетних заблудились и оказались на территории Азербайджана.