2022-04-12 15:10
Информагентства
ԷՅՉ-ԷՍ-ԲԻ-ՍԻ ՀԱՅԱՍՏԱՆԸ` ԱՌԵՎՏՐԻ ՖԻՆԱՆՍԱՎՈՐՄԱՆ ՈԼՈՐՏՈՒՄ ՇՈՒԿԱՅԻ ԱՌԱՋԱՏԱՐ ԵՎ ԼԱՎԱԳՈՒՅՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԲԱՆԿ
Ըստ հեղինակավոր «Euromoney» ամսագրի 2022թ. անցկացրած հարցման` «Էյչ-Էս-Բի-Սի Բանկ Հայաստան» ՓԲԸ-ն (այսուհետ` HSBC Հայաստան) երկրորդ տարին անընդմեջ ճանաչվել է առևտրի ֆինանսավորման ոլորտում «Շուկայի առաջատար»: Բանկն այս տարի արժանացել է նաև ոլորտում «Լավագույն ծառայություններ մատուցող բանկ» մրցանակին:
«Euromoney» ամսագիրն իրականացնում է ամենամյա հարցումներ, որոնք միտված են բացահայտելու առևտրի ֆինանսավորման ոլորտում ծառայություններ մատուցող առաջատար կազմակերպությունները։
Մեկնաբանելով հարցման արդյունքները` HSBC Հայաստանի առևտրի ֆինանսավորման վարչության ղեկավար Արտակ Պետրոսյանը նշում է. «Առևտրի ֆինանսավորումը մեր բանկի զարգացման առանցքային գործոններից է: Հայաստանում գործունեության ավելի քան 25 տարիների ընթացում մենք ձգտել ենք միջազգային առևտուրը հասանելի և արդյունավետ դարձնել հաճախորդների համար մեր միջազգային ցանցի և աշխարհի ավելի քան 50 շուկաներում գործող հազարավոր մասնագետների միջոցով: Հայաստանում առևտրի ֆինանսավորման ոլորտում «Շուկայի առաջատար» և «Լավագույն ծառայություններ մատուցող Բանկ» ճանաչվելը վկայում է, որ մենք արդարացրել ենք հաճախորդների սպասումները, որոնք բարձր են գնահատել այս դժվարին ժամանակներում անխափան ծառայություններ մատուցելու մեր ջանքերը»:
Նշենք, որ ըստ հարցման` HSBC Խումբը ևս արդեն հինգերորդ տարին անընդմեջ ճանաչվում է առևտրի ֆինանսավորման ոլորտում աշխարհի լավագույն բանկ:
«Մենք շնորհակալ ենք այն բարձր գնահատականի համար, որին արժանացել ենք և ցանկանում ենք վերահաստատել մեր պատրաստակամությունը` հայաստանյան բիզնեսի հետագա աճին աջակցելու և նրանց մուտքը նոր շուկաներ ապահովելու ուղղությամբ»,- հավելեց պարոն Պետրոսյանը:
HSBC Խումբ
HSBC Holdings plc-ն՝ HSBC Խմբի ընկերության գլխամասը, գտնվում է Լոնդոնում: Խումբը ծառայություններ է տրամադրում 64 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր ֆինանսական կառույցներից մեկը, որի ակտիվները 2021թ. սեպտեմբերի 30-ի դրությամբ կազմել են 2,969 միլիարդ ԱՄՆ դոլար:
HSBC Հայաստան
«Էյչ-Էս-Բի-Սի Բանկ Հայաստան» ՓԲԸ-ն հիմնադրվել է 1996թ․-ին։ Բանկը Էյչ-Էս-Բի-Սի Խմբին ամբողջությամբ պատկանող դուստր ընկերություն է։ Էյչ-Էս-Բի-Սի Հայաստանը սպասարկում է շուրջ 30 000 հաճախորդի Երևան քաղաքում գտնվող իր 7 գրասենյակների և մոտ 310 աշխատակիցների միջոցով: 2021 թ.-ի սեպտեմբերի 30-ի դրությամբ բանկի ակտիվները կազմել են 311 միլիարդ ՀՀ դրամ` ներառյալ Էյչ-Էս-Բի-Սի Բանկ Փի-Էլ-Սի Լոնդոնի կողմից Բանկի միջնորդությամբ տրամադրված վարկերը: Բանկը վերահսկվում է ՀՀ կենտրոնական բանկի կողմից։
ПОСЛЕДНИЕ ОТ АВТОРА
-
New2025-06-10 14:22Джавахкская диаспора России" заявляет свой протест против политики очернения Армянской Апостольской Церкви со стороны пашиняновской власти. В заявлении говорится:
-
New2025-06-10 14:20Международное агентство по атомной энергии (МАГАТЭ) координировало свои действия с Израилем и передавало ему секретную информацию, предоставленную Ираном. Об этом сообщает иранское агентство Fars со ссылкой на собственные источники.
-
New2025-06-10 14:16В Следственный комитет РА 02.06.2025 г было подано заявление о явном хулиганстве, совершенном Гнелом Саркисяном.
-
New2025-06-10 14:10По части строительства и реконструкции школ и детских садов у нас, в лучшем случае, уровень реализации 40-42%. И это картина нескольких лет. Об этом на совместном заседании постоянных парламентских комиссий во время обсуждения отчета «Об исполнении Государственного бюджета Республики Армения в 2024 году» заявила 10 июня депутат от оппозиционного блока «Армения» Лилит Галстян, обращаясь к министру финансов республики Ваге Ованнисяну.
ПОСЛЕДНЕЕ ПО ТЕМЕ
-
2022-07-13 12:59Դիլիջանի համայնքային կենտրոնում տեղի է ունեցել «ԼՂ պատերազմից տուժած երիտասարդների տնտեսական կայունացում» ծրագրի արդյունքների ամփոփման միջոցառումը: Ծրագիրը մեկնարկել էր 2021 թվականի մայիսին և նպատակ ուներ բարձրացնել ԼՂ հակամարտության արդյունքում տուժած երիտասարդների տնտեսական հնարավորությունները որակյալ կրթության, մասնագիտական դասընթացների մասնակցելու և ձեռնարկատիրական հմտություններ ձեռք բերելու միջոցով:
-
ԱՄԵՐԻԱԲԱՆԿԻ ԵՎ HSBC ՀԱՅԱՍՏԱՆԻ ԲԱՆԿՈՄԱՏՆԵՐԸ ԿՍՊԱՍԱՐԿԵՆ ԵՐԿՈՒ ԲԱՆԿԵՐԻ ՔԱՐՏԱՊԱՆՆԵՐԻՆ ՀԱՏՈՒԿ ՊԱՅՄԱՆՆԵՐՈՎ2021-10-26 18:1218 հոկտեմբերի, Երևան – Ամերիաբանկ ՓԲԸ-ն (Ամերիաբանկ) և Էյչ-Էս-Բի-Սի Բանկ Հայաստան ՓԲԸ-ն (HSBC Հայաստան) բացառիկ հնարավորություն են ստեղծել իրենց քարտապանների համար: Այսուհետ երկու բանկերի քարտապանները հնարավորություն կունենան իրենց քարտերով կանխիկացում իրականացնելու Ամերիաբանկի և HSBC Հայաստանի բանկոմատներից՝ առանց որևէ հավելյալ միջնորդավճարի: