2022-04-12 18:04
Информагентства
Ներկայացվել է ԱՊՀ երկրների զինված ուժերի կապի համատեղ համակարգի համաձայնագիրը վավերացնելու նախագիծը
Ազգային ժողովում պաշտպանության նախարարի տեղակալ Արման Սարգսյանը ներկայացրեց «Անկախ պետությունների համագործակցության մասնակից պետությունների զինված ուժերի կապի համատեղ (միավորված) համակարգի մասին» համաձայնագիրը վավերացնելու մասին նախագիծը։ Ինչպես տեղեկացնում է «Արմենպրես»-ը, Սարգսյանը նշեց, որ նախագծի ընդունման դեպքում Հայաստանի Հանրապետությունը միանում է 2020 թվականի մայիսի 29-ի Մոսկվայում կնքված ԱՊՀ զինված ուժերի կապի համատեղ համակարգ ստեղծելու նախաձեռնությանը՝ նպատակ ունենալով միավորել մասնակից պետությունների զինված ուժերում որպես կառավարման տեխնիկական հիմքի կարևորագույն բաղադրիչներ հանդիսացող կապի համակարգի երաշխավորված և արդյունավետ գործառության ապահովման ուղղված ջանքերը։
«Մասնակից պետությունների զինված ուժերի կապի համատեղ համակարգի առկայությունը լուծելու է կարևորագույն մի շարք խնդիրներ, ինչպիսիք են ռազմական ոլորտում փոխգործակցության միավորված համակարգերի գործառության ապահովումը, մասնակից պետությունների կապի ազգային ցանցերի և հատուկ նշանակության կապի ցանցերի հետ անհրաժեշտ համատեղելիությունը ապահովումը»,- ասաց Սարգսյանը։
Նախաձեռնության նպատակին և խնդիրներին համապատասխան համաձայնագրով սահմանվում են ԱՊՀ զինված ուժերի կապի համատեղ զարգացման և կատարելագործման մոտեցումները, ազգայի համակարգի զարգացման, ֆինանսավորման և համատեղ միջոցառումների շրջանակները, այդ ուղղությամբ մատակարարումների և համապատասխան սարքավորումների նորոգումների, մասնագետների պատրաստման հարաբերությունները։ «Համաձայնագրի իրագործման գծով կողմերի լիազորված մարմիններ են հանդիսանում պետությունների պաշտպանության նախարարությունները։ Նշեմ նաև, որ Հայաստանի Հանրապետությունը համաձայնագրին միացել է մեկ վերապահմամբ, այն է՝ Հայաստանի Հանրապետությունը առանձին որոշում կկայացնի համաձայնագրի դրույթների տարածման վերաբերյալ այն պետությունների նկատմամբ, ովքեր միացել են համաձայնագրին 2020 թվականի մայիսից հետո»,- նշեց Սարգսյանը։
Պաշտպանության նախարարի տեղակալը նաև տեղեկացրեց, որ համաձայնագիրը ստորագրել են ԱՊՀ մասնակից պետություններից Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։
ПОСЛЕДНИЕ ОТ АВТОРА
-
New2025-06-12 19:45Иранские СМИ опубликовали первую серию документов, полученных от израильского режима.
-
New2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
New2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
New2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.