2022-04-12 19:25
Информагентства
Գագիկ ՀԱՄԲԱՐՅԱՆ․ ԵԹԵ ՄԻՆՍԿԻ ԽՄԲՈՒՄ ՉՊԵՏՔ Է ԼԻՆԻ ՌՈՒՍԱՍՏԱՆԸ, ԴԱ ԱՐԴԵՆ ՁԵՎԱՉԱՓԻ ՓԼՈՒԶՈՒՄ Է
ԵԱՀԿ Մինսկի խմբի ձևաչափը փլուզվել է Ֆրանսիայի և ԱՄՆ-ի պատճառով, որոնք փաստացի չեն ցանկանում այդ ձևաչափի շրջանակներում աշխատել Ռուսաստանի հետ։ Սա բխում է այն դիրքորոշումից, որն այդ երկրները ՌԴ-ի նկատմամբ դրսևորում են Ուկրաինայում հատուկ օպերացիայի մեկնարկից հետո, Aysor.am-ի թղթակցի հետ զրույցում ասաց քաղաքագետ Գագիկ Համբարյանը։
«Հիմա, երբ պաշտոնական հաղորդագրություն է տարածվում, որ Ֆրանսիան, որպես ԵԱՀԿ ՄԽ համանախագահող, վերահաստատում է Հարավային Կովկասում խաղաղությանն ու կայունությանն աջակցելուն իր լիարժեք հավատարմությունը, հետաքրքիր է՝ ո՞ւմ հետ է այդ ձևաչափը գործում։ Եթե Ֆրանսիայի ԱԳՆ-ն նկատի ունի հենց իրենց և ամերիկացիներին, ապա դա արդեն Մինսկի խմբի ֆորմատ չէ։
ՄԽ ֆորմատը մեզ համար պարզ էր արդեն 25 տարուց ոչ պակաս, և գիտեինք, որ համանախագահող երկրներն են Ռուսաստանը, Ֆրանսիան և ԱՄՆ-ը։ Հիմա ո՞ւմ են խաբում։ Եթե Ֆրանսիան պատկերացնում է, որ ԵԱՀԿ Մինսկի խումբը գործում է, ինչպե՞ս է գործում։ Եթե ՄԽ-ում, ըստ ֆրանսիացիների, չպետք է լինի Ռուսաստանը, ապա դա արդեն ձևաչափի փլուզում է, չկա նման ձևաչափ»,- ասաց քաղաքագետը։
Գագիկ Համբարյանի խոսքով՝ ԵԱՀԿ Մինսկի խմբի չգործելը ձեռնտու է ոչ միայն Ադրբեջանին, այլև ՀՀ գործող իշխանություններին, որոնց համար այդ կառույցի գործունեությունը բազմաթիվ անհարմարություններ էր ստեղծում։
«ԵԱՀԿ Մինսկի խումբը խանգարում էր Նիկոլ Փաշինյանին՝ Ադրբեջանի հետ միակողմանի քաղաքականություն վարելու համար, իսկ այժմ կարող է շատ ազատ անել այն, ինչ ուզում է»,- ամփոփեց քաղաքագետը։
Հիշեցնենք, որ օրեր առաջ ՌԴ արտգործնախարար Սերգեյ Լավրովը հայտարարել էր՝ ԱՄՆ-ը և Ֆրանսիան չեն ցանկանում ԵԱՀԿ Մինսկի խմբի շրջանակներում աշխատել Ռուսաստանի հետ։
ПОСЛЕДНИЕ ОТ АВТОРА
-
New2025-04-23 19:44В сирийском городе Камышлы в преддверии 24 апреля, 110-й годовщины Геноцида армян, Демократическое армянское молодежное движение организовало акцию протеста перед зданием Высшего совета ООН.
-
New2025-04-23 19:43Католикос всех армян Гарегин II обсудил с представителями бразильских СМИ международное признание Геноцида армян, деятельность и миссию Армянской Апостольской Церкви, программы соцподдержки, оказываемыми церковью армянам Арцаха, а также межцерковные отношения, сообщает пресс-канцелярия Первопрестольного Святого Эчмиадзина.
-
New2025-04-23 19:41Школы в Стамбуле будут закрыты в четверг и пятницу, объявил министр образования Турции Юсуф Текин, передает BBC News.
-
New2025-04-23 19:39Европейские страны считают, что любое мирное соглашение, направленное на прекращение войны на Украине с Россией, должно включать в себя «территориальную целостность» страны, выступающей за ЕС, сообщает AFP со ссылкой на источник в офисе президента Франции Эммануэля Макрона.