2022-04-13 14:59
Информагентства
Տիգրան ԱԲՐԱՀԱՄՅԱՆ․ ՆՈՐ ԿՌԻՎԸ ԱՐՑԱԽՈՎ ՉԻ ՍԱՀՄԱՆԱՓԱԿՎԵԼՈՒ. ԱՌԱՎԵԼ ՀԱՎԱՆԱԿԱՆ Է ՊԱՏԵՐԱԶՄԻ ԱՅՍ ՇՐՋԱՓՈՒԼԸ ՏԵՂԱՓՈԽՎԻ ՀԱՅԱՍՏԱՆ
Այն, որ ռուս-ուկրաինական ճգնաժամը եվրասիական տարածաշրջանում անխուսափելիորեն բերելու էր նոր սպառնալիքների տարափի, ռազմական գործողությունների հենց մեկնարկին էր նկատելի, ֆեյսբուքում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը:
«Ռուսաստանի դեմ տարվող միջազգային դիմակայությունը չի սահմանափակվելու պատժամիջոցներով, Ուկրաինային մատակարարվող սպառազինության հսկայական քանակով և ֆինանսական օժանդակությամբ։
Ամեն ինչ արվում է, որպեսզի ՌԴ-ի շուրջ և նրա ավանդական ազդեցության տարածաշրջաններում նոր «թեժ կետեր» ձևավորվեն, եղածները բորբոքվեն։
Սա անկասկած հարվածների այն ձևերից է, որն օգտագործվելու է ՌԴ-ի դեմ։
Հայաստանի ու Արցախի գլխավոր խնդիրն է, որպեսզի այս գործողությունների հետևանքով մենք ՌԴ-մնացածներ բախումների պոլիգոնի չվերածվենք, որի հավանականությունը հատկապես վերջին շրջանում կտրուկ աճել է։
Այս ֆոնին Հայաստանի իշխանության հայտարարությունները, վարքագիծը, վարվող քաղաքականությունը ոչ միայն նկարագրածս իրադարձությունները կանխելու հնարավորություն չի ստեղծում, այլ պարարտ հող է նախապատրաստում նոր էսկալացիայի համար։
Մի կողմից Փաշինյանը հայտարարում է պատերազմի վտանգի մասին, մյուս կողմից իշխող խորհրդարանական խմբակցությունը խայտառակ պահվածք է դրսևորում։
Դեռ չեմ ասում իշխանության նախաձեռնությամբ, առաջին պլան բերված ծաղրածուներին, շոումեններին, ովքեր փորձում են հանրությանը լրիվ այլ օրակարգում պահեն, ձեռքի հետ էլ վարկաբեկեն բոլոր այն քաղաքական և ոչ քաղաքական խմբերին, ովքեր իրական վտանգներից են խոսում։
Սրանք ոչ մի ձև չեն հասկանում, որ նոր կռիվը Արցախով չի սահմանափակվելու, ավելին՝ առավել հավանական է պատերազմի այս շրջափուլը տեղափոխվի ՀՀ, որի դրսևորումները փոքր մասշտաբով արդեն դրսևորվել է Գեղարքունիքի, Վայոց ձորի և հատկապես Սյունիքի ուղղությամբ։
Այս իշխանությունն իր թուլամորթությամբ և պահվածքով միայն մոտեցնում է պատերազմը», - գրել է նա:
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).