2022-04-14 13:23
Информагентства
Թաթոյան․ Փաշինյանի հայտարարությունները խիստ վտանգավոր են թե՛ Հայաստանի, թե՛ Արցախի համար
ՀՀ կառավարության ղեկավարի երեկվա հայտարարությունները խիստ վտանգավոր են թե՛ Հայաստանի, թե՛ Արցախի համար: Ֆեյսբուքյան էջում գրել է ՀՀ մարդու իրավունքների նախկին պաշտպան Արման Թաթոյանը։
Հայաստանի անվտանգության համակարգն ուղղակի ավերվում է նման հայտարարություններով, որոնք պայմանավորված են քաղաքական նեղ շահերով և չունեն մասնագիտական հիմքեր,- կարծում է Թաթոյանը։
«Սեփական սխալները կոծկելու և դժգոհություններ առաջ չբերելու համար ՀՀ բարձրաստիճան տարբեր ղեկավար պաշտոնյաների կողմից արդարացվել ու օրինականացվել են մեր գյուղերի հարևանությամբ ու ճանապարհներին ադրբեջանական անօրինական զինված տեղակայումները, սեփական քաղաքական շահերի համար արվել են Հայաստանի տարածքային իրավազորությունը Ադրբեջանին զիջող պաշտոնական հայտարարություններ՝ անտեսելով Հայաստանի ու Արցախի բնակչության անվտանգությունը, կյանքի և մյուս իրավունքները:
Այս պաշտոնյաները նաև հետևողականորեն զրոյացրել են պատմական նշանակության մեր հիմնարար թեզերը՝ սկսած նրանից, որ Ադրբեջանի տարածքային ամբողջականությունը որևէ կապ չունի Արցախի հետ և չի էլ ունեցել, անտեսվել է, որ ադրբեջանական պետական դոկտրինայում Հայաստանի զգալի մասը համարվում է «ադրբեջանական պատմական տարածք», և որ մեր նկատմամբ տարվում է ֆաշիզմի հասնող ատելության ու թշնամանքի քաղաքականություն և այլն»,- նշված է գրառման մեջ:
Այս ամենը, ըստ Արման Թաթոյանի, միջազգային ասպարեզում ազատել է Ադրբեջանի ձեռքերը և հնարավորություն տվել աշխարհը կեղծիքներով լցնելու հաշվին զբաղեցնելու իր շահերի համար նպաստավոր դիրքեր:
«Դատապարտելի կերպով առաջ քաշվեց և սկսվեց աշխարհին գովազդվել, այսպես կոչված, «խաղաղության» օրակարգը... Արդյունքում՝ «խաղաղությունը» մնաց միայն մեզ վրա, և ստացվեց այնպես, որ դա պետք է իրականացվի մեր իրավունքների ու արժանապատվության, Հայրենիքի հաշվին՝ ինչ է, թե Հայաստանում կան պաշտոնյաներ, որոնք իրենց քաղաքական շահերն ու պաշտոնների պահպանումը երկրի անվտանգությունից ավելի են գերադասում:
Ուստի, ՀՀ կառավարության ղեկավարի ու, առհասարակ, որևէ այլ պաշտոնյայի կամ պետական մարմնի նման որևէ հայտարարություն չունի լեգիտիմություն և չի կարող դրվել մեր ժողովրդի շահերի պաշտպանության հիմքում»,- եզրափակել է ՀՀ նախկին ՄԻՊ-ը, տեղեկացնում է Sputnik Արմենիա-ն:
Հիշեցնենք` Նիկոլ Փաշինյանը ապրիլի 13-ին ԱԺ-ում` կառավարության ծրագրի (2021-2026 թթ.) 2021 թվականի կատարման ընթացքի և արդյունքների զեկույցի ժամանակ հայտարարել էր` միջազգային հանրությունը ուղիղ ասել է, որ Հայաստանը պետք է մի փոքր իջեցնի ԼՂ կարգավիճակի հարցում իր նշաձողը, ինչի շնորհիվ միջազգային մեծ կոնսոլիդացիա կապահովվի Հայաստանի և Արցախի շուրջ։
ПОСЛЕДНИЕ ОТ АВТОРА
-
New2025-06-12 12:08Премьер-министр Армении Никол Пашинян продолжает атаковать Армянскую Апостольскую церковь. Он сообщил, что решил создать координационную группу по смещению Католикоса всех армян Гарегина II. Ранее Пашинян обвинил его в нарушении обета безбрачия и заявил, что церкви в Армении превратились в «чуланы». Премьер считает, что в вопросе о выборах Католикоса решающий голос должно иметь государство. По Конституции и законам Армении государство не может вмешиваться в дела религиозных организаций. Антицерковные выходки Пашиняна объясняются его страхом потерять власть или даже жизнь, считает известный политолог Андраник Мигранян.
-
New2025-06-12 11:56С сегодняшнего дня и до 30 июня Турция разместила различные войска в Нахичевани, примерно в 70 км от Еревана (в связи с двумя военными учениями с Азербайджаном).
-
New2025-06-12 11:17Американским официальным лицам сообщили, что Израиль полностью готов начать операцию против Ирана, сообщили несколько источников CBS News.
-
New2025-06-12 11:14Состояние одного из 11-ти пострадавших при взрыве в армянском Чамбараке крайне тяжелое, еще двое находятся в состоянии средней тяжести. Об этом сообщает пресс-служба Минздрава.