2022-04-15 15:02
Информагентства
ՌԴ ԱԳՆ-ն զգուշացրել է Շվեդիայի և Ֆինլանդիայի՝ ՆԱՏՕ-ին անդամակցելու հետևանքների մասին
Քիչ հավանական է, որ ՆԱՏՕ-ին հնարավոր անդամակցությունը կնպաստի Շվեդիայի և Ֆինլանդիայի միջազգային հեղինակության ամրապնդմանը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Գաղտնիք չէ, որ այդ երկրների տարածքները վաղուց յուրացրել է ՆԱՏՕ-ն, անցկացվել են լայնածավալ զորավարժություններ։ Հասկանալի է, թե ինչու է դաշինքին դա անհրաժեշտ։ Նպատակը ռազմական ներուժի և աշխարհագրական ընդլայնման զարգացումն է, ռուսական սպառնալիքների համար մեկ այլ թև ստեղծելը։ Բայց թե ինչու մեր ֆին և շվեդ հարևանները Բալթյան տարածաշրջանում պետք է վերածվեն ՆԱՏՕ-ի և Ռուսաստանի միջև առճակատման նոր սահմանի, անհասկանալի է: Հյուսիսային Եվրոպայում խաղաղության և կայունության համար բացասական հետևանքները ակնհայտ են։
Տասնամյակներ շարունակ ռազմական չմիավորման արտաքին քաղաքական գիծը ապահովել է Շվեդիայի և Ֆինլանդիայի անվտանգության հուսալի մակարդակը, ծառայել է որպես ամուր հիմք մեր երկրների միջև փոխշահավետ և իրավահավասար համագործակցության կառուցման, գործընկերային հարաբերությունների ամրապնդման համար, որոնցում ռազմական գործոնի դերը հասցվել է զրոյի։ ՆԱՏՕ-ին անդամակցությունը չի կարող ամրապնդել նրանց ազգային անվտանգությունը։ Նրանք ինքնաբերաբար կհայտնվեն ՆԱՏՕ-ի «առաջնագծում»։
Ավելին, ՆԱՏՕ-ին անդամակցելը, ըստ էության, ենթադրում է ինքնիշխանության մի մասի հրաժարում պաշտպանության ոլորտում որոշումների մշակման, ինչպես նաև արտաքին քաղաքականության մեջ։ Ճիշտ է, այս միտումը նշմարվել է ներկայիս իրավիճակից շատ առաջ, երբ Եվրամիության անդամ երկրները, այդ թվում՝ ոչ բլոկային երկրները, աստիճանաբար վերածվել են ԱՄՆ-ի և ՆԱՏՕ-ի ապակառուցողական ուղենիշների գործիքի։ Քիչ հավանական է, որ ՆԱՏՕ-ին պոտենցիալ անդամակցությունը կնպաստի Շվեդիայի և Ֆինլանդիայի միջազգային հեղինակության ամրապնդմանը։
Ընտրությունը Ստոկհոլմինն ու Հելսինկիինն է, բայց նրանք պետք է հասկանան այդ քայլի հետևանքները մեր երկկողմ հարաբերությունների անվտանգության համար»,-ասել է Զախարովան, տեղեկացնում է News.am-ը։
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.