Ուղիղ. Կարմիր ժապավեններով ակցիան համալսարաններում

«5165» շարժումը կարմիր ժապավեններով ակցիա է իրականացնում համալսարաններում։ Ազատության հրապաակից նրանք երթով շարժվելու են դեպի Վ. Բրյուսովի անվան պետական համալսարան, Երևանի Կոմիտասի անվան պետական կոնսերվատորիա, Հայաստանի պետական ճարտարագիտական համալսարան, Գյուղատնտեսական համալսարան, Հայաստանի պետական տնտեսագիտական ինստիտուտ, Երևանի Պետական համալսարան, Ֆիզիկական կուլտուրայի և սպորտի պետական ինստիտուտ և Խաչատուր Աբովյանի անվան հայկական պետական մանկավարժական համալսարան։

Հիշեցնենք, որ ապրիլի 19-ից «5165» կուսակցությունը ժամանակավորապես դադարեցնում է իր գործունեությունը և համախմբվում է Նիկոլ Փաշինյանի հրաժարականը պահանջելու, նրան հեռացնելու, Արցախը փրկելու և Հայաստանն այս ճգնաժամից փրկելու գաղափարի շուրջ։ Շաչժման անդամները կոչ են անում բոլոր կուսակցություններին հետևել իրենց օրինակին, որ կարողանան հավատ և վստահություն արթնացնել մեր ժողովրդի մեջ։

«Սա խմբային պայքար չէ, սա վեր է բոլոր խմբային և անձնային շահերից, մենք պայքարի ենք դուրս գալիս հանուն Արցախի և հայրենիքի։ Մի՛ անձնավորեք այս պայքարը, այս հրապարակում յուրաքանչյուրդ ունեք ձեր տեղը, հայրենիքիդ առաջ յուրաքանչյուրդ ունեք ձեր պարտականությունը»,- հայտարարել է շարժման առաջնորդ Կարին Տոնոյանը։

Armenia Today