2022-04-23 09:04
Информагентства
Իշխանությունները նախկինում էլ ասում էին, թե նոյեմբերի 9-ի հայտարարությունից բացի այլ փաստաթղթեր չկան․ Թեւան Պողոսյան
Հայաստանի իշխանությունները նախկինում էլ ասում էին, թե նոյեմբերի 9-ի հայտարարությունից բացի այլ փաստաթղթեր չկան։ Եւ ի՞նչ։ Այս մասին NEWS.am-ի հետ զրույցում ասաց քաղաքագետ Թեւան Պողոսյանը։
«Հետո պարզվեց, որ ինչ-որ բան կա։ 2020-ին էլ մեզ ասացին, որ առաջարկներ չեն եղել՝ չնայած 2019-ին առաջարկներ եղել են։ Հավատը չպետք է ոչնչացվեր, վերքերը դեռ չէին սպիացել։ Ավելին, դրանք դեռ կլինեն, քանի որ պարտված իշխանություններից միայն նոր պարտություններ են սպասվում»,-ընդգծեց փորձագետը։
Նա նկատեց, որ հայ հասարակության համար պարզ չէ, թե ինչ առաջարկներ է ներկայացրել Երեւանը՝ ի պատասխան Ադրբեջանի հինգ կետերի։
«Թող Հայաստանը հրապարակի դրանք։ Ո՞ւմ են ուղարկել առաջարկները։ Ասացին, որ այն հանձնել են ԵԱՀԿ Մինսկի խմբի համանախագահներին, որոնց միջոցով դրանք հասել են Բաքու։ Եթե կա փաստաթուղթ, որի մասին գիտի թշնամին, գիտեն միջնորդները, ինչո՞ւ մենք դրա մասին ոչինչ չգիտենք։ Ո՞ւմ հետ եք դիվանագիտություն վարում։ Հրապարակե՛ք փաստաթուղթը։ Ի՞նչ կանեն իշխանությունները, եթե Ադրբեջանը Արցախում դրամի փոխարեն մանաթ ներդնի։ Կհամոզեն այնտեղ ապրող հայերին հաշտվե՞լ։ Այդ ժամանակ հաջորդ քայլը կլինի կրթության, տրանսպորտին եւ այլ ոլորտներում»,-հավելեց Պողոսյանը։
Քաղաքագետը գեղեցիկ մանիպուլյացիա անվանեց Հայաստանի իշխանությունների անդրադարձն Արցախի բնակչության իրավունքներին, քանի որ նման ձեւակերպումը լայն ենթատեքստ ունի, մինչդեռ բանակցությունների հիմքում ընկած էին ոչ միայն համընդհանուր իրավունքները, այլ ժողովրդի ինքնորոշման իրավունքը։
«Իշխանությունները, խոսելով իրավունքների մասին, ոչինչ չեն պարզաբանում։ Ամբողջ խնդիրը դա է: Արցախում կարող է թույլատրվել հայկական կիրակնօրյա դպրոց՝ հաշվի առնելով այնտեղ հայ բնակչության առկայությունը, եւ նույնիսկ կարող է ներդրվել խոսքի ազատություն։ Եւ ի՞նչ։ Այն, որ ոչ թե կրակելու են, այլ ամեն ինչ գնելու են ու իրավունքները ոտնահարելուեն , կբերի նոր, էլ ավելի խորը առճակատումների»,-հավելեց նա։
Փորձագետը հիշեցրեց, որ Հայաստանը նախկինում երբեք չէր իջեցրել կարգավիճակի նշաձողը, սակայն 2020թ․ նոյեմբերի 9-ից հետո իջեցրեց նշաձողն անվտանգության ոլորտում։
«Ո՞վ պետք է բանակցեր ռուս խաղաղապահների մանդատի շուրջ եւ ի՞նչ պետք է անեին նրանք։ Ո՞վ պետք է բանակցեր, որ Լաչինի միջանցքով հայկական անձնագրով ոչ մի մարդու չխոչընդոտեն»,- ասաց նա։
Ըստ նրա՝ պարտված քաղաքական թիմում փոփոխություններ են պետք, կամ պետք է փոխել հենց թիմը, հակառակ դեպքում՝ հակառակորդ կողմն անընդհատ ճնշում է գործադրելու։
«Ի՞նչ է՝ որեւէ փաստաթղթի ստորագրումը կստիպի Ալիեւին նահանջե՞լ իր գծից։ Խաղաղությունը թղթի վրա պայմանավորվածություն չէ։ Խաղաղությունը, առաջին հերթին, պետք է հաստատվի հայ հասարակության ներսում։ Քանի դեռ մեր հասարակության ներսում խաղաղություն չի տիրում, ուրիշներին խաղաղության պարտադրել չի ստացվի։ Ներքին համերաշխության հասնելու համար գործող իշխանությունները պետք է հրաժարական տան, քանի որ նրանց գործողություններն օրեցօր պառակտում են հասարակությունը»,-եզրափակեց Պողոսյանը։
News.am
ПОСЛЕДНИЕ ОТ АВТОРА
-
2025-08-12 14:53Взятые премьер-министром Николом Пашиняном обязательства в рамках подписанных в США соглашений несут новые экзистенциальные угрозы для Армении и армянского народа. Об этом говорится в заявлении оппозиционной фракции "Армения".
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.