2022-04-25 16:09
Информагентства
Ամենայն հավանականությամբ «կսայթաքեն». Սարգսյանը` հայ–թուրքական հարաբերությունների մասին
Հայաստանի շարունակական բանակցությունները Թուրքիայի հետ ընթանում են առանց Ցեղասպանության հետ կապված որևէ նախապայմանի։ Դրանք, ամենայն հավանականությամբ, «կսայթաքեն»: Բրիտանական The Times պարբերականի հետ զրույցում այս մասին հայտարարել է Հայաստանի Հանրապետության 4-րդ նախագահ Արմեն Սարգսյանը, անդրադառնալով Հայոց ցեղասպանության զոհերի հիշատակի 107–րդ տարելիցին։
«Երկու կողմերի միջև հարաբերությունների կարգավորման որևէ գործընթաց չի կարող գոյատևել, եթե չանդրադառնա այն վերքին, որը հետապնդում և տանջում է ողջ աշխարհի հայերին:Ես աջակցում եմ Հայաստանի և Թուրքիայի միջև հարաբերությունների կարգավորմանը և ցանկանում եմ տեսնել կայուն հարաբերություններ երկու երկրների միջև: Սակայն նման հարաբերությունները կարող են կառուցվել միայն պատմական ճանաչման և հաշտեցման ամուր հիմքերի վրա»,–ասել է Սարգսյանը։
Նա ընդգծել է, որ պատմությունից խուսափելու միջոցով ձեռք բերված ժամանակավոր շտկումները չեն հանգեցնի տևական խաղաղության: Դրանք պարզապես կթաքցնեն խորացող դժգոհությունները, որոնք ապագայում կարտահայտվեն անկառավարելի ուժով:
Սարգսյանի խոսքով`տարածաշրջանում և դրա սահմաններից դուրս խաղաղության և բարգավաճման հաստատման համար Հայոց ցեղասպանության ճանաչումն անփոխարինելի ճանապարհ է:
«Մեր ցանկությունն է մեր երկիրը վերածել համաշխարհային ազգի ծաղկող տան, ազգ, որը ձգտում է ներդրում ունենալ իր բոլոր հարևանների և աշխարհի ընդհանուր բարօրության մեջ: Բայց արդար և ծաղկող ապագան մեզանից պահանջում է ճանաչել մեր ընդհանուր անցյալը: Բրիտանիան կարող է իր ներդրումն ունենալ ապաքինման այդ գործընթացում»,–նշել է նա:
Սարգսյանը հավելել է, որ Բրիտանիայի կառավարությունը հնարավորություն ունի շտկելու ծանր սխալը և օրինակ ծառայել աշխարհին՝ ճանաչելով Հայոց ցեղասպանությունը և ամեն տարի անցկացնելով հիշատակի արարողություն, ինչպես հայ ժողովուրդն է նշում ամեն ապրիլի 24-ին։
ПОСЛЕДНИЕ ОТ АВТОРА
-
New2025-04-08 17:50Будут ли представители европейской миссии наблюдателей EUMA находиться на границе или проводить время в ресторанах – разницы нет. Такое мнение выразил доктор политических наук Стэнфордского университета Артур ХАЧИКЯН.
-
New2025-04-08 15:21Следственный комитет Армении завершил судебно-медицинскую экспертизу по делу о гибели депутата парламента Мгера Саакяна.
-
New2025-04-08 15:19По нашим предварительным данным, около 50 представителей гражданского общества Армении подверглись фишинговой атаке в приложении Signal от имени посла ЕС в Армении Василиса Марагоса. Об этом написал на своей странице в Facebook эксперт по информационной безопасности Артур Папян.
-
New2025-04-08 15:16Нормализация отношений Турции с Арменией зависит от выполнения Ереваном требований Баку, заявил старший советник Эрдогана. Об этом сообщают азербайджанские СМИ.