2022-04-25 20:01
Информагентства
Արցախի ապագայի հարցը ոչ ոք չի կարող լուծել, բացի Արցախի ժողովրդից. Ռուբեն Վարդանյան
Ոչ ոք, բացի Արցախի բնակչությունից, չի կարող որոշել Արցախի ապագայի հարցը։ Արցախի հանրային հեռուստաընկերությանը տված հարցազրույցում ասել է գործարար, «Ավրորա» մարդասիրական մրցանակի համահիմնադիր Ռուբեն Վարդանյանը։
«Իհարկե, Արցախի ժողովուրդը և Արցախի ղեկավարությունը պիտի գնահատեն իրավիճակը և հասկանան` ինչ հնարավորություններ կան, ինչպես պահպանեն հայկական ոգին և հայկական ապրելակերպը այստեղ՝ հայկական հողերում՝ համագործակցելով Հայաստանի կառավարության, Հայաստանի ժողովրդի և սփյուռքի հետ։ Բայց, ի վերջո, որոշումը պետք է կայացվի այստե՛ղ (Արցախում)»,– շեշտել է Վարդանյանը։
Նա կարծում է, որ այդ որոշումը չի կարող կայացնել միայն ղեկավար մարմինը, դա պետք է ազգի որոշումը լինի, որովհետև խոսքը ազգային արժեքների, ազգային արմատների, ազգային ապագայի մասին է։
«Արցախի հարցը ինձ համար կարմիր գիծ է։ ․․․ Սեպտեմբերի 27-ն է դարձել իմ կարմիր գիծը. ես ասել եմ՝ դա այն բանն է, որ մենք իրավունք չունենք կորցնելու, մենք իրավունք չունենք դուրս գալու Արցախից և թողնենք, որ ինչ-որ ուրիշ մարդիկ այդտեղ ապրեն»,–ասել է գործարարը։
Նրա կարծիքով՝ պետք է մտածել, թե ինչպես անել, որ Արցախում ապրող մարդիկ զգան` ապագա ունեն, որ մենակ չեն, և մարդիկ պատրաստ են գալ ու ապրել իրենց կողքին։ Վարդանյանը բացատրեց, որ հենց դրա համար է որոշել ապրիլի 24-ին լինել Ստեփանակերտում, ոչ թե Մոսկվայում, Լոնդոնում, Փարիզում կամ նույնիսկ Երևանում։
Պատասխանելով հարցին, թե պատրաստվում է արդյոք մտնել քաղաքականություն, Վարդանյանը նշել է, որ վերջին 20 տարիներին արդեն քաղաքական ակտիվ կյանքի մեջ է, բայց ոչ թե կուսակցական գործունեությամբ, այլ առկա խնդիրները բարձրաձայնելու առումով։
Նրա խոսքով` եթե նախկինում ինքն ու իր ընկերները խոսում էին ապագայի ծրագրերի մասին, այսօր ավելի շատ խոսում են, թե ինչ է պետք անել։
Վարդանյանը հավելել է, որ իր ընկերների ու համախոհների հետ իրականացրել են շուրջ 700 ծրագիր, որոնցում ներդրվել է ավելի քան 7 մլն դոլար։
«Կարող եմ ասել, որ ես պատրաստ եմ մեծ պատասխանատվություն կրել, պատրաստ եմ պարտականություններ ստանձնել, անել ամեն ինչ, որպեսզի մենք ունենանք ուժեղ, երջանիկ, առողջ ժողովուրդ և պետություններ՝ Արցախ և Հայաստան»,– ասել է Վարդանյանը։
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.