2022-04-27 08:58
Рубен МАРГАРЯН
ՉԱՎՈՒՇՕՂԼՈՒՆ ԱՐԵՑ ՇԵՇՏԱԴՐՈՒՄՆԵՐԸ
Ուրուգվայում Թուրքիայի դեսպան Հուսեյն Մյուֆթյուօղլուին կանչել են Ուրուգվայի ԱԳՆ՝ այն բանից հետո, երբ Թուրքիայի ԱԳ նախարար Մևլյութ Չավուշօղլուն ապրիլի 23-ին Ուրուգվայում բողոքի ակցիա անցկացնող մի խումբ հայերին ցույց է տվել «Գորշ գայլեր» ազգայնական խմբավորման ռասիստական ժեստը:
Ուրուգվայի ԱԳ նախարար Ֆրանսիսկո Բուստիլյոն Չավուշօղլուի պահվածքի առնչությամբ արել է հետևյալ հայտարարությունը. «Ուրուգվայը հիշողությունը հարգող երկիր է, նաև խաղաղության ձգտող և ապագայի երկիր։ Մենք հյուրընկալության և համաձայնության երկիր ենք, առճակատումների դեպքում հաշտեցումը նախընտրող երկիր: Մենք քարոզում ենք փոխըմբռնում, հանդուրժողականություն և ակնկալում ու պահանջում ենք, որ նրանք, ովքեր այցելում ենք այս երկիր, որտեղ քարոզվում է խաղաղություն և հանդուրժողականություն, վարվեն նույն կերպ: Մերժում և դատապարտում եմ ցանկացած վիրավորական վարքագիծ կամ ժեստ, որը ենթադրում է ֆիզիկական կամ բարոյական բռնություն»:
Այսպես Չավուշօղլուի վարքագծին արձագանքեց պաշտոնական Մոնտեվիդեոն։ Իսկ որևէ մեկը կարո՞ղ է ասել, թե ինչպես արձագանքեց պաշտոնական Երևանը։ Հիմար հարց է, հավանաբար՝ չափազանց միամիտ…
Ուրուգվայի հայերին ծաղրանքով ցույց տալով «Գորշ գայլերի» (Եվրոպայի բազմաթիվ երկրներում արգելված կազմակերպության) նշանը, Չավուշօղլուն արեց բոլոր շեշտադրումները։ Իրավացի է Կիրո Մանոյանը, երբ ասում է, որ Ուրուգվայի մի քանի հարյուր հայեր ցույց տվեցին, թե իրականում ինչ է իրենից ներկայացնում այսօրվա Թուրքիան և Հայաստանի հետ հարաբերություններ կարգավորելու նրա իբր ձգտումը։
Այո, Չավուշօղլուն բացահայտ կերպով հաստատեց, որ առ այսօր էլ շարունակվում է Թուրքիայի ցեղասպան քաղաքականությունը հայերի նկատմամբ։ Պաշտոնական Երևանի համար սա հնարավորություն է ցույց տալու աշխարհին այսօրվա Անկարայի իրական դեմքը և ուժգնացնելու միջազգային հանրությանն ուղղված պահանջները՝ դատապարտելու Թուրքիային ոչ միայն Ցեղասպանության ժխտման, այլև Լեռնային Ղարաբաղի դեմ 2020թ.պատերազմին մասնակցելու համար։ Ինչպես նաև կրկին ձայն բարձրացնելու Արցախի անկախության ճանաչման համար, առանց որևէ վերապահումների, հաշվի առնելով այն շրջապատը, որտեղ վիճակված է ապրել և արարել Հայաստանի և Արցախի ժողովրդին։
Բայց այս իշխանության օրոք անհնար է ակնկալել որևէ այլ բան, քան «Գորշ գայլերի» նշանների ցուցադրում Չավուշօղլուի կողմից, Հայոց ցեղասպանությանը նվիրված որևէ ակցիաների անցկացման պաշտոնական արգելանք Ստամբուլում։ ԱԳ նախարար Արարատ Միրզոյանը առաջվա պես քնքուշ կժպտա «Գորշ գայլերի» իղձերի քարոզիչ Չավուշօղլուին և կանտեսի թուրքական մամուլում իր անվան ցուցադրական աղավաղումը, որովհետև, ինչպես ուսուցանում է մեծն Նիկոլը, «հարկավոր են ամուր նյարդեր»։
Գործնականում դա նշանակում է, որ երբ Ալիևն ու Չավուշօղլուն շարունակեն ծաղրել Նիկոլին ու Արարատին, որոնք դեռևս ներկայացնում են Հայաստանը, վերջիններս միայն կսրբեն երեսի թուքն ու կասեն, թե քաղաքական թուքումրին չեն արձագանքում բնավ ոչ այն պատճառով, որ կոկորդում լռված են տարբեր կարթեր, որոնք կտրել ոչ մի կերպ չեն կարողանում, այլ որովհետև «ամուր նյարդեր» ունեն։
Չավուշօղլուի ցինիկ արարքի դրվագը ստույգ բնութագրում է ոչ միայն այսօրվա Անկարայի իրական դեմքը, այլև Հայաստանի ներկայիս իշխող թիմին փոխելու անհրաժեշտության անայլընտրանքայնությունը։ Այն թիմին, որի քաղաքականությունը հանգեցնում է միայն Երևանին ու Ստեփանակերտին ներկայացվող պահանջների խստացման և ուժգնացնում «բանակցային գործընկերների» անպատասխան ցինիզմը։
ПОСЛЕДНИЕ ОТ АВТОРА
-
2025-06-16 09:08Что показали военные действия между Израилем и Ираном? В первую очередь несомненное преимущество в технологиях одной страны над другой. Настолько существен сегодня этот фактор, что отходят в сторону такие компоненты, как территория страны, количество населения, патриотизм населения, храбрость командования… Все отходит на второй план.
-
2025-06-14 09:55Начинал Дональд Трамп бодро. С энтузиазмом, пожалуй, не уступающим энтузиазму Пашиняна в 2018-ом. На этой волне Трампу даже удалось на некоторое время прекратить огонь в Газе и наладить определенный американо-российский диалог, но к конкретным позитивным результатам по деэскалации в конфликтных регионах это пока не привело. Более того, видим, что многие планы Трампа не только не реализованы, но в определенной степени привели к эскалации ситуации.
-
2025-06-13 10:06Никол Пашинян опубликовал очередной текст с очередными обвинениями в адрес руководства Армянской Апостольской Церкви. Текст примечателен, там надо только адресата поменять. Все обвинения гораздо более применимы в отношении правящей команды. Не особо мудрствуя, Пашинян переписал в адрес Католикоса известные обвинения в свой адрес.
-
2025-06-12 09:25Наверное, многие сегодня в команде Пашиняна пусть и не говорят об этом вслух, но думают: «Пашинян, а оно тебе было надо?». Имея в виду развязанную премьером кампанию против церкви. Именно против Церкви, а не отдельных церковников, которые, дескать, нарушили обет безбрачия и тем самым вызвали гнев главного, оказывается, хранителя моральных норм республики - Никола Воваевича Пашиняна. Собственно, и сам Пашинян не скрывает, что главная цель - поставить церковь под контроль государства, то есть, самого Пашиняна.