2022-04-27 11:50
Информагентства
Միջնորդությունը բավարարվել է. դատախազության արձագանքը զոհվածների հարազատների պահանջին
Արցախի պատերազմում զոհված զինծառայողների ծնողների ներկայացրած պահանջների համար իրավական ընթացակարգ է ապահովվել։ Տեղեկությունը հայտնում է ՀՀ գլխավոր դատախազությունը` անդրադառնալով երեկ` ապրիլի 26-ին հանձնած դիմումին։
Հայտնել էինք, որ զոհված զինծառայողների հարազատները երեկ բողոքի ակցիա էին իրականացնում դատախազության առջև։ Նրանք գլխավոր դատախազ Արթուր Դավթյանին իրենց պահանջը ներկայացրին. ուզում են` զոհված տղաները համարվեն տուժող, իսկ նրանց հարազատները` տուժողների իրավահաջորդ։
Դատախազությունը հայտնում է, որ զոհված զինծառայողներին քրեական գործով որպես տուժող ճանաչելու վերաբերյալ զոհված զինծառայողների մի շարք ծնողների, հարազատների միջնորդությունը բավարարվել է:
«Հարուցված քրեական գործով հսկողություն իրականացնող դատախազը գրավոր ցուցում է տվել վարույթն իրականացնող մարմնին` ՀՀ հակակոռուպցիոն կոմիտեի քննիչին, զոհված զինծառայողներին ճանաչել տուժող, իսկ պահանջ ներկայացրած նրանց ծնողներին, հարազատներին՝ տուժողի իրավահաջորդ»,-ասվում է դատախազության հաղորդագրության մեջ։
Ինչ վերաբերում է վարչապետ Նիկոլ Փաշինյանին մեղադրյալ ներգրավելու հարցով դիմումին, հսկող դատախազի կողմից այս միջնորդությունն ուղարկվել է վարույթն իրականացնող քննիչին՝ սահմանված կարգով քննարկելու նպատակով:
Դատախազությունը հայտնում է նաև, որ քրեական գործերի քննությունը, դրա օրինականության նկատմամբ դատախազական հսկողությունը, այդ շրջանակներում կայացվող դատավարական որոշումները կատարվում են օրենքով սահմանված կարգով և չեն կարող կախված լինել հանրային գործընթացներից:
Դատախազությունն անթույլատրելի է համարում իրավական դաշտից դուրս գտնվող ցանկացած գործոնով պայմանավորված՝ քննությունների ընթացի վրա ազդեցություն գործադրելու հրապարակային կոչերը:
Հավելենք, որ ՊՆ ռազմական վերահսկողության ծառայության նախկին պետ Մովսես Հակոբյանի հարցազրույցի հիման վրա ՀՔԾ-ում 2020թ. նոյեմբերի 21-ին քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը) քրգործ է հարուցվել։
Հակոբյանը, մասնավորապես, ասել էր, թե իր կարծիքով տեղի է ունեցել հանցագործություն, քանի որ երկրի ղեկավարը պատերազմի երրորդ օրը կանգնեցրել է լրահամալրումը, ինչի մասին տեղեկացել է այն պաշտոնատար անձանցից, որոնք լրահամալրման և զորահամալրման գործընթացը կազմակերպելու պարտականություն են ունեցել։
Այս քրգործին է միացվել փաստաբան Արա Զոհրաբյանի հաղորդման հիման վրա հարուցված քրեական գործը. քննության առարկա են պատերազմից առաջ և դրա ընթացքում պաշտոնատար անձանց կողմից հնարավոր կատարված այնպիսի արարքներ, որոնք բացասական նշանակություն են ունեցել ԶՈւ մարտունակության հարցում և ազդել են պատերազմի արդյունքի վրա։
Ինչ վերաբերում է Փաշինյանին մեղավոր ճանաչելու հարցին, ապա զոհվածների ծնողները պահանջում են, որ վարչապետը որպես մեղադրյալ ներգրավվի վերոհիշյալ քրգործով քրեական օրենսգրքի 299-րդ հոդվածի 1-ին մասով (պետական դավաճանությունը), 308-րդ հոդվածի 2-րդ մասով (պաշտոնեական լիազորությունները չարաշահելը) և 309-րդ հոդվածի 3-րդ մասով (պաշտոնեական լիազորություններն անցնելը):
ПОСЛЕДНИЕ ОТ АВТОРА
-
New2025-06-12 14:26С 8 по 11 июня 2025 года на Армянской атомной электростанции (ААЭС) состоялся предварительный визит Корпоративной партнерской проверки с участием экспертов Всемирной ассоциации организаций, эксплуатирующих атомные электростанции (ВАО АЭС).
-
New2025-06-12 14:24Помимо участия в переговорах с Баку о делимитации и демаркации государственной границы, а также лоббирования интересов банковской системы в правительстве РА, вице-премьер Мгер Григорян выполняет и другие функции. В частности, накануне стало известно, что Григорян представит Армению на Петербургском международном экономическом форуме (ПМЭФ).
-
New2025-06-12 14:06Глава иранской Организации по атомной энергии (ОАЭИ) Мохаммад Эслами распорядился запустить новый центр по обогащению урана в безопасном месте и заменить центрифуги на более современные. Об этом, как передает РИА Новости, говорится в совместном заявлении МИД и ОАЭИ Ирана.
-
New2025-06-12 14:03Пассажирский самолет разбился недалеко от аэропорта города Ахмедабад (провинция Гуджарат) на западе Индии, сообщает телеканал NDTV. Отмечается, что на борту находились 130 пассажиров.