2022-04-28 16:13
Информагентства
Զախարովա․ Շոֆերը և Ռոկֆեյը կաթվածահար են արել Ղարաբաղի հարցով ԵԱՀԿ ՄԽ աշխատանքը
ԵԱՀԿ Մինսկի խմբի ամերիկացի և ֆրանսիացի համանախագահներ Էնդրյու Շոֆերի և Բրիս Ռոկֆեյի բարձր դիվանագիտական ակտիվությունը փաստացի կաթվածահար է արել 3 համանախագահի երբեմնի համակարգված աշխատանքը, որոնք հրաժարվել են այդ կազմակերպության շրջանակներում Ռուսաստանի հետ փոխգործակցությունից։ Այս մասին ամենշաբաթյա ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։
«Մենք արձանագրել ենք Բրյուսելի կողմից բարձր մակարդակով ռուս-հայ-ադրբեջանական պայմանավորվածությունների առարկան առանց ամաչելու յուրացնելու անհաշտ փորձերը և անցյալ տարի ԵԱՀԿ Մինսկի խմբի համանախագահների առաջարկած օրակարգը»,- ասել է Զախարովան:
Ռուսաստանի ԱԳՆ պաշտոնական ներկայացուցիչը ևս մեկ անգամ հիշեցրել է, որ բարձր մակարդակի եռակողմ համաձայնագրերը Ռուսաստանը դիտարկում է որպես հայ-ադրբեջանական հարաբերությունների կարգավորման հիմք:
«Մենք այս կամ այն կերպ մնում ենք նախկինում գոյություն ունեցող ձևաչափերի մեջ, բայց տեսնում ենք, որ աշխատանքը մի կերպ է ընթանում»,- նշել է Զախարովան։
Նրա խոսքով՝ ռուսական կողմը ներկայում ջանքերը կենտրոնացրել է այն ձևաչափերի վրա, որոնք իրական արդյունք են տալիս, որը զգում են խաղաղ քաղաքացիները, տնտեսական օպերատորները, պետությունները և ամբողջ տարածաշրջանը: ՌԴ ԱԳՆ ներկայացուցիչը նաև ընդգծել է, որ կան շատ «քնած ձևաչափեր», որոնք անհրաժեշտության դեպքում կարող են ակտիվացնել:
Վերջին շրջանում ԵԱՀԿ Մինսկի խմբի ֆրանսիացի ու ամերիկացի համանախագահները ակտիվորեն հանդիպումներ են անցկացնում Երևանում և Բաքվում։ Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Ֆրանսիան և ԱՄՆ-ն հրաժարվել են համագործակցել ՌԴ-ի հետ Լեռնային Ղարաբաղի հակամարտության կարգավորման հարցով ԵԱՀԿ Մինսկի խմբի համանախագահների «եռյակի» շրջանակներում:
Ընդ որում, Հայաստանում ԱՄՆ դեսպան Լին Թրեյսին լրագրողներին ասել է, որ ԵԱՀԿ Մինսկի խմբի մասին Ռուսաստանի հայտարարությունը համաձայնեցված չի եղել բոլոր կողմերի հետ և չի արտացոլում ԱՄՆ մոտեցումը: Նրա խոսքով՝ Ուկրաինայում ստեղծված իրավիճակից հետո ԵԱՀԿ Մինսկի խմբի աշխատանքը բարդացել է, սակայն այդ ձևաչափով կարգավորումը հնարավոր է, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.