2022-04-30 20:49
Информагентства
Արման Թաթոյան․ Ադրբեջանի բացարձակ նպատակն է Հայաստանի, Արցախի ոչնչացումը
«Ադրբեջանի նախագահն ամեն օր տարածում է թշնամանք ու ատելություն, նրանք դա չեն դադարեցնելու անել, որովհետև նրանց համար հայատյացությունը, որպես արտաքին թշնամի՝ հայերին ունենալը ներքին խնդիրներից շեղելու միջոց է և սեփական պաշտոնները պահպանելու միջոց, հետևաբար, նրանք չեն հրաժարվելու դրանից»,- Հայաստանի ներքին և անվտանգային խնդիրների շուրջ հանրային բաց քննարկմանը հայտարարեց ՀՀ նախկին ՄԻՊ Արման Թաթոյանը։
Մարդու իրավունքների նախկին պաշտպանն ընդգծեց՝ ադրբեջանական իշխանություները հայատյացությունը, հայերի հանդեպ ատելությունը իրենց հասարակության մեջ սերմանում են՝ սկսած մանկապարտեզներից, այդ ատելությունը փոխանցում են սերնդից սերունդ, զուգահեռաբար՝ պատմությունը կեղծելով իրենց են վերագրում Հայաստանի և Արցախի տարածքները։ Հերթական օրինակը նախկին ՄԻՊ-ի փաստահավաք գործունեության ընթացքում ադրբեջանցի զինծառայողների մոտից հայտնաբերված գրպանի գրքերն են՝ քարտեզներով, որտեղ ՀՀ Սյունիքի մարզն՝ ամբողջությամբ, Վայոց ձորի և Գեղարքունիքի մարզերի զգալի մասերը ներկայացվում են որպես «Ադրբեջանի տարածքներ»։
«Եվ ամենակարևորը՝ երեկ, նախորդ օրը այդ երկրի նախագահը հարցազրույցներ է տալիս, ասում է՝ չպիտի թողնենք, որ հայերը շատանան, որովհետև եթե շատանան, կուժեղանան, մենք էլ խնդիրներ կունենանք։ Այսինքն՝ այդ երկրի իշխանությունների համար բացարձակ նպատակ է հռչակված Հայաստանի, Արցախի ոչնչացումը։ Սա պետական, ինստիտուցիոնալ հիմքերով քաղաքականություն է»,- ընդգծեց Արման Թաթոյանը։
Այս իրականության պայմաններում Հայաստանի գործող ղեկավարության կողմից հայտարարությունները, թե Հայաստանի վերահսկողության տակ կան «ադրբեջանական տարածքներ», Արման Թաթոյանի բնորոշմամբ, նշանակում է երկիրը տանել պարալիզացման։
«Ինչպես՞ կարող է Հայաստանի կառավարության ղեկավարն ասել բառեր, որ ՀՀ-ում կամ ՀՀ-ի վերահսկողության տակ կան «ադրբեջանական տարածքներ»։ Ընթացքում էլ անընդհատ ակնարկներ են արվում, այսպես կոչված՝ «անկլավային գյուղեր» և այլն։ Ո՞նց կարելի է այդ հարցը քննարկել։ Պատկերացնու՞մ եք՝ մենք որքան ներքին տեղահանվածներ կունենանք։ Ամբողջությամբ պարալիզացվելու է մեր երկիրը, էլ չասենք նաև նրա մասին, որ դրանք ամբողջությամբ Հայաստանի տարածքներն են, Խորհրդային միության ժամանակ, մինչև 1930-ական թվականները այդ տարածքները բզիկ-բզիկ արվել, կտրվել, տրվել են այսպես կոչված՝ «եղբայրական Ադրբեջանին»»,- շեշտեց Արման Թաթոյանը, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2025-04-23 11:13Руководитель Международного центра развития парламентаризма Гоар Мелоян, комментируя потасовку, произошедшую вчера в Национальном собрании, пишет:
-
New2025-04-23 11:13Госсекретарь США Марко Рубио отменил поездку в Лондон, где пройдут переговоры по завершению войны в Украине. Это произошло после заявления украинского президента Владимира Зеленского о том, что Киев не признает Крым российским в рамках мирного соглашения, пишет New York Times. Представитель Госдепа Тэмми Брюс объяснила решение Рубио его плотным графиком. «Это касается технических проблем в его расписании», — отметила пресс-секретарь.
-
New2025-04-23 11:11Министерство образования, науки, культуры и спорта РА опровергло распространившуюся в СМИ информацию о том, что ведомство якобы рекомендовало учебным заведениям не участвовать в факельном шествии, приуроченном к 110-й годовщине Геноцида армян в Османской империи.
-
New2025-04-23 11:10В аэропорту «Звартноц» болельщики встретили мужскую и женскую сборные Армении по тяжелой атлетике.