Последние новости

Ռուսաստանի դեսպանը հրավիրվել է Իսրայելի ԱԳՆ-ն Լավրովի խոսքերից հետո

ՌԴ դեսպան Անատոլի Վիկտորովը երկուշաբթի հրավիրվել է Իսրայելի ԱԳՆ-ը՝ Ադոլֆ Հիտլերի հրեական արմատների մասին ՌԴ արտգործնախարար Սերգեյ Լավրովի վերջին հայտարարությունների հետ կապված, հայտնում է «Ինտերֆաքս»-ը:

The Jerusalem Post-ի փոխանցմամբ՝ Վիկտորովը զրույցի է հրավիրվել Իսրայելի ԱԳՆ-ի Եվրասիական դեպարտամենտի գլխավոր տնօրենի տեղակալ Գարի Կորենի հետ։

«Իսրայելի արտգործնախարար Յաիր Լապիդը Լավրովի հայտարարություններն աններելի ու վրդովեցուցիչ է անվանել»,- գրել է թերթը։

«Հրեաները Հոլոքոստի ժամանակ իրենք իրենց չեն ոչնչացրել։ Հրեաներին հակասեմականության մեջ մեղադրելը հրեաների նկատմամբ ռասիզմի բացահայտ մակարդակ է»,- ասել է Լապիդը:

Լավրովը նախօրեին իտալական Mediaset հեռուստաընկերությանը տված հարցազրույցում նա ասել էր, որ Ուկրաինայի նախագահ Վլադիմիր Զելենսկին «փաստարկ է ներկայացնում. ինչպիսի՞ նացիֆիկացում կարող է լինել Ուկրաինայում, եթե նա (Զելենսկին) հրեա է»։

«Կարող եմ սխալվել, բայց Հիտլերը ևս հրեական արյուն ուներ: Դա բացարձակապես ոչինչ չի նշանակում։ Իմաստուն հրեա ժողովուրդն ասում է, որ ամենամոլի հակասեմականները սովորաբար հրեաներն են։ «Ընտանիքն առանց այլանդակի չի լինի»,- ասել էր Լավրովը, տեղեկացնում է News.am։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ