2022-05-02 20:03
Информагентства
Սաղաթելյանը` Հովհաննիսյանին․ Ուսադիրներդ պոկելու եմ, ու դու էլ պատժվելու ես
Վաղ առավոտից մի քանի ժամով փողոցները փակելու համար ոստիկանություն տարված ակտիվիստների 99 տոկոսն արդեն ազատ է արձակվել։ Ֆրանսիայի հրապարակում հրավիրված հերթական հանրահավաքում այս մասին հայտարարեց «Դիմադրություն» շարժման անդամ, ՀՀ ԱԺ փոխխոսնակ Իշխան Սաղաթելյանը։
«Պաշտոնական տվյալներով` 244 հոգի բերման են ենթարկվել, սակայն իրականում նրանց թիվը շուրջ 300 է։ Նրանց 99 տոկոսն արդեն ազատ է արձակվել, ու մեզ հետ են հիմա։ Մեր պայքարն անկասելի է, այս շարժումն էլ ավարտվելու է հաղթանակով»,- նշեց Սաղաթելյանը։
Անդրադառնալով ոստիկանության իրականացրած գործողություններին, նա ընդգծեց, որ նրանցից ոմանք անցել են սահմանները։
Խոսելով ՊՊԾ գնդի պետ Սարգիս Հովհաննիսյանի` լրագրողների նկատմամբ բիրտ ուժ կիրառելու մասին (հարվածել է իրեն հարց տվող լրագրողին ու նկարահանող օպերատորին), Սաղաթելյանը վերջինիս պահվածքը որակեց որպես լկտի և սանձարձակ։
Սաղաթելյանը հիշեցրեց, որ մեկ տարի առաջ այդ անձը ոտքերով հարվածել է քաղաքացու, ԱԺ-ում «Պատիվ ունեմ» խմբակցության պատգամավոր Աննա Մկրտչյանի մազերն է քաշել։
«Եթե դու գերազանցում ես քո լիազորությունները, դիմում ես ապօրինի ու բռնի միջոցների, ուրեմն ես այս ժողովրդի անունից քեզ խոստանում եմ` ուսադիրներդ պոկելու եմ, ու դու էլ պատժվելու ես»,- նշեց Սաղաթելյանը։
Նրա խոսքով` ոստիկանության հետ խնդիր չունեն, սակայն որոշ ոստիկաններ ապօրինի պահվածք են դրսևորում, նրանք այսօր ֆիքսել են հատկապես 2 հոգու։
Սաղաթելյանը զգուշացրեց, որ խաղաղ անհնազանդության միջոցով հասնելու են «չարիքի հեռացմանը» (նկատի ունի ՀՀ վարչապետ Նիկոլ Փաշինյանի հրաժարականը,- խմբ.)։ Երեկոյան Ֆրանսիայի հրապարակում տեղադրված մեծ էկրանի վրա պատրաստվում են նաև ցույց տալ այն անձանց դեմքերը, որոնք ոստիկանական համազգեստով են, սակայն կասկածվում են որոշ օլիգարխների թիկնապահը լինելու մեջ։
Ինչպես արդեն հայտնել ենք` գիշերը Երևանի Ֆրանսիայի հրապարակում անցկացրած ցուցարարներն ու նրանց համախոհները վաղ առավոտից սկսել են անհնազանդության խաղաղ ակցիաները Երևանի տարբեր հատվածներում, տեղեկացնում է Sputnik Արմենիա-ն։
ПОСЛЕДНИЕ ОТ АВТОРА
-
New2025-06-10 20:01МИД Армении выразил соболезнования в связи со стрельбой в школе в австрийском Граце.
-
New2025-06-10 20:00Информированный источник РИА Новости заявил, что в связи с реакций МИД Азербайджана на высказывание помощника президента РФ Владимира Мединского по Карабаху в России рассчитывают на признание Азербайджаном новых российский регионов и Крыма.
-
New2025-06-10 19:57Антикоррупционный суд отменил подписку о невыезде в отношении третьего президента Армении Сержа Саргсяна, частично удовлетворив ходатайство адвокатов Рубена Акопяна и Амрама Макиняна.
-
New2025-06-10 19:54Вторая группа российских военнослужащих возвращена с подконтрольной киевскому режиму территории в рамках достигнутых на прошлой неделе в Стамбуле договоренностей. Об этом сообщает оборонное ведомство России.