Ուկրաինան Հայաստանին, Վրաստանին և Ադրբեջանին մեղադրել է ՌԴ-ին օգնելու մեջ

Ուկրաինական հետախուզությունը Հայաստանին, Վրաստանին և Ադրբեջանին մեղադրել է արևմտյան պատժամիջոցները շրջանցելու հարցում Ռուսաստանին օգնելու մեջ։

Ուկրաինայի պաշտպանության նախարարության գլխավոր հետախուզական վարչության հայտարարության համաձայն՝ https://gur.gov.ua/content/dlia-minimizatsii-ruinivnykh-naslidkiv-ekonomichnykh-sanktsii-rosiia-namahaietsia-zaluchyty-inshi-krainy.html «Ռուսաստանը բանակցություններ է վարում Վրաստանի, Հայաստանի և Ադրբեջանի հետ՝ ռուսական արտադրանքը միջազգային շուկաներ վերաարտահանելու համար»։

«Մատակարարումը նախատեսվում է իրականացնել վրացական, հայկական և ադրբեջանական ապրանքների անվան տակ և արտահանել երրորդ երկրներ։ Այս երկրների տարածքում արդեն ավելի քան 200 ընկերություն է ստեղծվել։

Հայաստանը բարենպաստ պայմաններ է ստեղծում ռուսական ընկերությունների կողմից բիզնես վարելու համար, առաջին հերթին՝ ՏՏ ոլորտում։ Ուկրաինայի դեմ Ռուսաստանի լայնածավալ գործողության սկզբից Հայաստան է ժամանել Ռուսաստանի շուրջ 85 000 քաղաքացի և 113 ՏՏ ընկերություն։ ՌԴ քաղաքացիները Հայաստանում ստեղծել են մոտ 1000 մասնավոր ձեռնարկություն և ավելի քան 250 ՍՊԸ»։

Ենթադրվում է նաև, որ Ռուսաստանը «ծրագրում է ՀԱՊԿ երկրներում ռուսական ռազմական և երկակի նշանակության արտադրանքի բաղադրիչների արտադրություն կազմակերպել, առաջին հերթին արտասահմանյան բաղադրիչների։ Բացի այդ, դա կմեծացնի ՀԱՊԿ անդամ երկրների տնտեսական կախվածությունը Ռուսաստանից»,- ասվում է հաղորդագրության մեջ։

«ՀՕՊ սարքավորումների ռուսական առաջատար արտադրող «Ուլյանովսկի մեխանիկական գործարան» ԲԸ-ն գրավում է Ղազախստանին՝ գերմանական արտադրության բաղադրիչներ ստանալու համար (մինչ ներխուժումը Ռուսաստանը գնել է գերմանական արտադրանք, որն անհրաժեշտ է «Բուկ» տեսակի հակաօդային պաշտպանության համակարգերի և «Տուն» տիպի հակաօդային պաշտպանության համակարգերի արտադրության/արդիականացման համար, իսկ այդ ապրանքների մատակարարումը պատժամիջոցների ուժեղացման պայմաններում անհնար է դարձել)», տեղեկացնում է News.am-ը: