2022-05-03 12:06
Информагентства
0
Սպասելու ենք, մինչև պատասխանեն. պատերազմում զոհվածների ծնողները դատախազության մոտ են
Արցախյան 44-օրյա պատերազմում զոհվածների ծնողները կրկին ՀՀ գլխավոր դատախազության մոտ են։
Նշենք` կառույցից հայտնել էին, որ 5-օրյա ժամկետում պետք է պատասխանեին զոհվածների ծնողների պահանջին, և այսօր, 5-րդ օրը լրանալուն պես ծնողները եկել են ու պահանջում են իրենց դիմումի պատասխանը։ Նրանք չեն պատրաստվում Հայաստանում որևէ կառույց հանգիստ թողնել, մինչև իրենց բարձրացրած հարցը լիարժեք լուծում չստանա։
«Այսօր արդեն անցել է այդ 5 օրը, եկել ենք, թող իջնեն ու պատասխանեն մեզ, թե ինչ են ձեռնարկելու։ Թող ասեն, թե երբ են գործ հարուցելու, պատասխանատվության ենթարկեն նախ Նիկոլ Փաշինյանին, ապա բոլոր նրանց, ովքեր մեղավոր են 44-օրյա պատերազմում այսքան մեծ կորուստների համար։ Մենք նաև շարունակում ենք մեր միջնորդությունները ներկայացնել` մեզ որպես տուժող ճանաչելու համար։ Ծնողներն անհատական պետք է ներկայացնեն այդ միջնորդությունները»,– նշեց պատերազմում զոհված Մենուա Հովհաննիսյանի մայրը` Կարին Տոնոյանը։
Նրա խոսքով` պետք է իրենց ասեն, թե ովքեր են մեղավոր իրենց որդիների զոհվելու մեջ, քանի որ ըստ նրա` Փաշինյանը խորհրդարանում խոստովանել է, որ ինքը մեղավոր է այդ հարցում։
Նշենք, որ ՀՀ վարչապետ Նիկոլ Փաշինյանը ԱԺ ամբիոնից հայտարարել էր, որ 2020 թվականին կարող էր նույն իրավիճակը լինել, սակայն առանց զոհերի, ինչն էլ ծնողներին էլ ավելի է զայրացրել։
«Նիկոլ Փաշինյանն ինչից է վախենում` թող գա, հարցաքննվի ու, եթե պարզվի, որ մեղավոր չէ, թող մեզ տան մեղավորներին։ Մեր խնդիրը մեկն է` զավակ ենք կորցրել ու պահանջում ենք, որպեսզի կանգնեցնեն մեղավորներին մեր ու հանրության դատի առաջ»,– ասաց Տոնոյանը։
Ծնողները պահանջեցին, որպեսզի գլխավոր դատախազն իջնի ու ասի, թե ինչ են արել 5 աշխատանքային օրում, ինչ ընթացքում է գործը։
Sputnik Արմենիայի հարցին, թե ինչ են պատրաստվում անել օրվա ընթացքում, Տոնոյանը շեշտեց` կմնանք այնքան, մինչև ներսից մարդ կիջնի ու կպատասխանի իրենց հուզող հարցերին։ Նա ընդգծեց, որ վստահ չէ, թե դատախազության պատասխանն իրենց կգոհացնի։
Որոշ ժամանակ անց ծնողներին մոտեցավ դատախազության աշխատակից Արտաշես Կարապետյանը և վերցրեց հավաքված ծնողների միջնորդությունները։
ПОСЛЕДНИЕ ОТ АВТОРА
-
New2024-11-22 06:44В рамках мероприятий «Овернь-Рона-Альпы – Армения-Сюник» состоялись официальные встречи, во время которых с заявлениями выступили губернатор Сюникской области Роберт Гукасян, замглавы МИД Армении Паруйр Ованнисян, председатель региона Овернь-Рона-Альпы Фабрис Панкук, депутат парламента Франции, руководитель фракции «Droite Républicaine», спецсоветник регионального совета Лоран Вокье.
-
New2024-11-22 06:37Посол Украины в Великобритании, экс-главком ВСУ Валерий Залужный во время выступления на церемонии награждения УП-100 заявил, что «после прямого привлечения автократических союзников России в войну против Украины можно считать, началась Третья мировая война», передает «Украинская правда».
-
New2024-11-22 06:32Глава МИД Германии Анналена Бербок, выступая в Баку на конференции COP29, заявила, что положение с правами человека в Азербайджане вызывает беспокойство, передает Deutsche Welle.
-
New2024-11-22 06:25По военным объектам России в Брянской и Курской областях были нанесены удары западными ракетами. Об этом заявил президент РФ Владимир Путин в своем обращении.