2022-05-03 18:03
Информагентства
Արթուր Վանեցյան. Այսօր ժամը 19։00-ին բոլորիդ սպասում եմ Ֆրանսիայի հրապարակում
«Հայրենիք» կուսակցության նախագահ Արթուր Վանեցյանը ֆեյսբուքյան ուղիղ եթերում ցույց տվեց, թե ինչ մթնոլորտ է տիրում Ֆրանսիայի հրապարակում, որտեղ մայիսի 1-ից մեկնարկել է Նիկոլ Փաշինյանի հրաժարականի պահանջով ու հանուն հայրենիքի պայքարի երրորդ՝ վճռական փուլը։
Վանեցյանը հիշեցրեց, որ այսօր առավոտյան մայրաքաղաքում տեղի են ունեցել խաղաղ անհնազանդության ակցիաներ, այս պահին փակ ճանապարհներ կան Արարատում, Վայոց Ձորում, Լոռիում։
«Այսօր այցելեցինք ԵՊՀ, տեսանք, որ գրեթե բոլոր լսարանները դատարկ են։ Ուսանողները միացել են դասադուլին, համազգային պայքարին»,-ասաց նա։
Անդրադառնալով քաղաքացիների այն հարցին, թե ի՞նչ ենք անելու, Վանեցյանն արձագանքեց.
«Ժողովուրդ ջան, անում ենք։ Դուք եք անում, բոլորս ենք անում։ Անում ենք շատ արդյունավետ։ Երկրաչափական պրոգրեսիայով ամեն օր ավելանում ենք։ Ոստիկանությունը փորձում է կասեցնել մեր պայքարը՝ բիրտ ուժ կիրառելով, բբայց դա չի հաջողվելու ոստիկանությանը։ Մենք ուժեղ ենք, մեկ բռունց ենք ու անպայման հաջողելու ենք»,-նշեց ընդդիմադիր գործիչը՝ ավելացնելով, որ Ֆրանսիայի հրապարակում չկան առաջնորդներ, մարդիկ են, հայեր, որոնք սիրում են հայրենիքը։
«Հայրենիք» կուսակցության առաջնորդը հայտարարեց՝ ժամը 19։00-ին բոլորին սպասում է Ֆրանսիայի հրապարակում, որտեղ տեղի կունենա հանրահավաքը, կներկայացվեն հետագա անելիքները։
«Մեր պայքարն անկասելի է, արդար է, կարճ ժամանակ անց մենք ազատագրելու ենք մեր երկիրն ու կառուցելու ենք այնպիսի հայրենիք, որի մասին բոլորս երազում ենք։ Այսօր ժամը 19։00-ին բոլորիդ սպասում եմ Ֆրանսիայի հրապարակում, լավ եղեք, սիրելի ժողովուրդ»,-խոսքն ամփոփեց ընդդիմադիր գործիչը։
Հիշեցնենք, որ Արթուր Վանեցյանը ապրիլի 17-ին Ազատության հրապարակում հայտարարել էր բողոքի անժամկետ ակցիաների մեկնարկի մասին։
Panorama.am
ПОСЛЕДНИЕ ОТ АВТОРА
-
New2025-04-22 17:39Бывший капитан сборной Армении по футболу Генрих Мхитарян призвал присоединиться к факельному шествию в память о жертвах Геноцида армян.
-
New2025-04-22 17:36Опубликована полная версия решения Конституционного суда 1776.
-
New2025-04-22 17:34Тегеран готов сделать свою ядерную программу более прозрачной и выработать больше доверия к ней при условии снятия с него санкций. Об этом заявила официальный представитель иранского правительства Фатеме Мохаджерани.
-
New2025-04-22 17:31Фракции "Гражданский договор" и "Республика" фактически сорвали обсуждение вопроса о стоимости проезда, инициированного оппозицией. На заседании Совета старейшин Еревана в повестку был включен проект решения о приостановке действия постановления о повышении тарифа на проезд в общественном транспорте до 1 марта 2026 года.